قىرعىزستان پرەزيدەنتٸنٸڭ باسپاسٶز حاتشىسى اسحات الاگٶزوۆ "بٸشكەك ارەنا" ستاديونىنىڭ قۇرىلىسىنا قاتىستى تولىق اقپارات بەردٸ. ونىڭ ايتۋىنشا, ستاديون 386 ميلليون دوللارعا سالىنعان. ول "نىسان 60 ميلليون دوللارعا سالىندى" دەگەن اقپارات شىندىققا جاناسپايتىنىن مەلٸمدەدٸ, دەپ حابارلايدى dalanews.kz.
اسحات الاگٶزوۆتٸڭ سٶزٸنشە, قۇرىلىس باستاپقىدا 30-35 مىڭ كٶرەرمەنگە ارنالعان كەدٸمگٸ ستاديون رەتٸندە جوسپارلانعان. سول كەزدە ونىڭ قۇنى شامامەن 60-70 ميلليون دوللار بولادى دەگەن بولجام ايتىلعان.
كەيٸن قىرعىزستان پرەزيدەنتٸ سادىر جاپاروۆ باستاپقى جوبانى ٶزگەرتٸپ, ستاديوندى كيٸز ٷي پٸشٸنٸندە سالۋدى تاپسىرعان. جوباعا ساۋدا ورتالىقتارى, مەيرامحانالار مەن دەمحانالار, سۋپەرماركەت, كينوتەاترلار, سپورت زالدارى جەنە بالالار الاڭى ەنگٸزٸلگەن.
وسىعان بايلانىستى جوبا تولىق قايتا جاسالىپ, عيماراتتىڭ جالپى اۋدانى 194 248 شارشى مەترگە جەتكەن. ستاديوننىڭ سىيىمدىلىعى دا 52 مىڭ كٶرەرمەنگە دەيٸن ۇلعايتىلعان. بۇعان قوسا, "حالىقارالىق دەڭگەيدەگٸ جارىستاردى ٶتكٸزۋ ٷشٸن ستاديوندا كەمٸندە 50 مىڭ ورىن بولۋى كەرەك" دەگەن FIFA تالابى دا ەسكەرٸلگەن.
"بٸشكەك ارەنا" ستاديونىنىڭ نەگٸزگٸ سيپاتتامالارى: جەر ۋچاسكەسٸنٸڭ اۋماعى - شامامەن 20 گەكتار; قۇرىلىستىڭ جالپى اۋدانى - 194 248 شارشى مەتر; نىساننىڭ ديامەترٸ - 280 مەتر; بيٸكتٸگٸ - 70 مەتر; 8 قابات; كٶرەرمەندەرگە ارنالعان 51 252 ورىن بار; سمەتالىق قۇنى - 386 ميلليون دوللار.
ساۋدا جەنە كوممەرتسييالىق ينفراقۇرىلىمعا 35 916 شارشى مەترلٸك ساۋدا ورتالىعى, 48 دٷكەن, بٸر سۋپەرماركەت, 18 ساۋدا دٷڭگٸرشەگٸ, 23 مەيرامحانا, 11 دەمحانا, تٶرت كينوتەاتر زالى, بالالار ويىن الاڭى جەنە سپورت زال كٸرەدٸ. سونىمەن قاتار, جالپى اۋماعى 5 087 شارشى مەتر بولاتىن تەرراسالار بار.
"ٶكٸنٸشكە قاراي, كەيٸنگٸ كٷندەرٸ "بٸزدٸڭ ستاديون 60 ميلليون دوللارعا سالىندى, ال كٶرشٸ ەلدەردەگٸ ستاديوندار وسىنداي سوماعا تۇرعىزىلدى" دەگەن پٸكٸر ايتىلا باستادى. مۇنداي سالىستىرۋلار كٶرشٸ مەملەكەتتەردٸڭ باسشىلارىنىڭ بەدەلٸنە كٷمەن كەلتٸرۋٸ مٷمكٸن. سوندىقتان, قۇرمەتتٸ وتانداستار, بۇل مەسەلەنٸ ساياسيلاندىرماي, كٶرشٸ ەلدەرمەن قارىم-قاتىناستى ۋشىقتىرمايىق", - دەدٸ ول.
