«تولەبي تۋى»، تولەبي تاڭى»، «لەڭگەر جارشىسى» گازەتتەرى مەن اۋداندىق مادەنيەت جانە تىلدەردى دامىتۋ ءبولىمى مەن مەن اۋداندىق مۋزەي، «جاستار رەسۋرستىق ورتالىعى» كمم ماماندارى بىركولىك شاتقالىنا بارىپ، جاقىندا عانا تابىلعان تاڭبالى تاستاردى كورىپ، سۋرەتكە، بەينەجازباعا ءتۇسىرىپ قايتتى.
ءوز كەزەگىندە اۋداننىڭ تۋماسى شەجىرەشى، تاريحي-زەرتتەۋ كىتاپتاردىڭ اۆتورى، چۋۆاشيا عىلىم اكادەمياسىنىڭ اكادەميگى ءابدىقادىر داۋىتبەكوۆ جاڭادان تابىلعان تاڭبالى تاستار ءبىزدىڭ جىل ساناۋىمىزدان بۇرىنعى جانە كەيىنگى قاي عاسىرعا جاتاتىندىعى مالىمدەدى.
عالىم ازيا مەن ەۋروپا ەلدەرىندە بۇگىنگە دەيىن ساقتالعان جازبا دەرەكتەرگە سۇيەنىپ ءوز پايمىن جاساعان. وسى تاريحي جادىگەرلەردى قورعاپ، زەرتتەپ، كەيىنگى ۇرپاققا جەتكىزۋ ءقازىر ماڭىزدى مىندەتكە اينالدى. بىركولىكتەگى تاڭبالى تاستار تابىلعان جەردى اسپان استىنداعى مۇراجايعا، تۋريستەر ەڭ كوپ كەلەتىن ورىنعا اينالدىرۋ ماسەلەسى كوتەرىلۋدە.
ءا.داۋىتبەكوۆ بىركولىكتەن تابىلعان تاستاعى تاڭبالار ەجەلگى زاماندا ءبىزدىڭ ولكەمىزدە ءومىر سۇرگەن ءۇيسىن، قىپشاق تايپالارىمەن قاتار كەرەيت، تاما، ماسقار، تەلەۋ، شەكتى، ءتورتقارا، جاعالبايلى، جۋي، قاراكەرەي رۋلارىنىڭ تاڭبالارىنا جاتاتىندىعىن العا تارتتى.
بىركولىكتەگى تاستاعى تاڭبالار بولعار، حاكاس، وسەتين، چۋۆاش حالىقتارى تاڭبالارىندا دا بار ەكەن.
بۇگىندەرى بىرنەشە ۇلتقا اينالعان بۇل حالىقتاردىڭ ءبارى دە ەجەلگى زاماندا ءبىر تىلدە، كونە تۇركى تىلىندە سويلەگەنى، ءبىر تايپالىق بىرلەستىككە باعىنعانى، كەيىننەن ازيا مەن ەۋروپانىڭ ءار تۇكپىرىنە تاراعانى تاريحتان بەلگىلى. سونىمەن قاتار وسىنداعى تاڭبالى توبە اتالىپ كەتكەن توبەگە دە شىعىپ، اۋداندىق مۋزەي قىزمەتكەرلەرى وسىدان 12 جىل بۇرىن تاپقان باسقا دا تاڭبالى تاستاردى، وسىنداعى ەسكى قورىمنىڭ ورىن، ونداعى كولەمدى شەڭبەر ىسپەتتەس تاستاردى بۇرىن كومىلگەن مولانىڭ ۇستىنە بەلگى-ەسكەرتكىش رەتىندە قويىلعان دەپ ويلاماسقا لاجىمىز قالمادى. قالاي بولعان كۇندە دە جەر بەتىندەگى تاڭبالى تاستارىنان بولەك، قويناۋىنا دا تالاي سىردى بۇگىپ جاتقانى بەلگىلى.
Dalanews.kz
