قازاقستان قارجىگەرلەرى قاۋىمداستىعى (ققق) ءبىرىڭعاي QR-كودتى ەنگىزۋ قولما-قول اقشاسىز تولەمدەردىڭ ودان ءارى ارتۋىنا ىقپال ەتەدى دەپ باجايلايدى، دەپ حابارلايدى Dalanews.kz.

سونىمەن قاتار، اعىمداعى جىلدىڭ ءى-توقسانىنىڭ قورىتىندىسىنا سايكەس، ەلىمىز بويىنشا جاسالعان وسىنداي وپەراسيالاردىڭ ۇلەسى 87،1% -دى قۇرادى.  ماسەلەن، وتكەن جىلدىڭ وسىنداي كەزەڭىندە بۇل كولەم 85،5%-دى قامتىعان.

قازاقستاندا POS-تەرمينالداردىڭ كوپتەپ ورناتىلۋدا - ءار مىڭ ادامعا 67 قۇرىلعىدان (ءبىر جىل بۇرىن - 56 قۇرىلعى).

"اينالىمدا قولما-قول اقشامەن ەسەپ-ايىرىسۋ جاعدايى، ارينە ءالى دە وزەكتىلىگىن جويماعان: 2025 جىلدىڭ I-توقسانىندا قازاقستاندىقتار بانكوماتتار ارقىلى 6 ترلن تەڭگەنى (+6،6%) شەشىپ العان، ال بۇل كورسەتكىش 2024 جىل 5،7 ترلن تەڭگە بولعان. جالپى، قولما-قول اقشاسىن جاسالعان وپەراسيالار كولەمى اقشالاي جاسالعان كولەمنەن 6،8 ەسە ارتىق كولەمدە قالىپتاسىپ وتىر (40،3 ترلن تەڭگەVS6 ترلن تەڭگە)"، - دەيدى قازاقستان قارجىگەرلەرى قاۋىمداستىعى.

قاۋىمداستىق كەلتىرگەن دەرەككە سايكەس، وڭىرلەر تۇرعىسىنان الىپ قاراستىرعاندا قولما-قول اقشاسىز ترانزاكسيالار ۇلەسىنىڭ ەڭ كوپ ءوسىمى اقمولا (+8،2 پ.پ.)، جەتىسۋ (+5،1 پ. پ.) جانە تۇركىستان (+4،6 پ. پ.) وبلىستارىندا تىركەلىپ وتىر.