اتالعان فورۋم ەلباسى نۇرسۇلتان نازارباەۆتىڭ «ەل ٷمٸتٸ» جەنە «قامقورشىلىق» باستامالارىنىڭ اياسىندا ۇيىمداستىرىلدى. جيىنعا وبلىستىق بٸلٸم بەرۋ باسقارماسىنىڭ ٶكٸلدەرٸ, وقۋشىلار مەن اتا-انالار قاتىستى.
باقىتگٷل حامەنوۆا «مىڭ بالا» ۇلتتىق وليمپياداسى مەن «ەلباسى مەدالٸ» جوباسىنىڭ ماڭىزدىلىعىن اتاپ ٶتتٸ.
– شىنايى پاتريوتيزم – بارلىق جەكە مٷددەلەردەن جوعارى تۇراتىن, ادام رۋحىنىڭ اسقار شىڭى. ناعىز وتانشىلدىقتىڭ باستى ٶلشەمٸ دە ەربٸر قازاقستاندىقتىڭ ەلٸ مەن حالقى الدىنداعى پارىزىن تەرەڭ تٷسٸنۋٸندە. بۇل جوبالاردىڭ ماقساتى دا – جاس ۇرپاقتىڭ رۋحاني-ادامي قاسيەتٸن قالىپتاستىرىپ, پاتريوتتىق تەربيە بەرۋدە وتانعا دەگەن سٷيٸسپەنشٸلٸك سەزٸمٸ مەن قوعام دامۋىنداعى ۇرپاقتار ساباقتاستىعىنىڭ ماڭىزدىلىعىن كٶرسەتۋ, – دەدٸ وبلىس ەكٸمٸنٸڭ ورىنباسارى باقىتگٷل حامەنوۆا.
«ەلباسى مەدالٸنٸڭ» قولا دەڭگەيٸندەگٸ مەدالٸمەن ماراپاتتالعان ن.تٸلەنديەۆ اتىنداعى كٸشٸ ٶنەر اكادەميياسىنىڭ 10 سىنىپ وقۋشىسى مەرييام قوجابالۋانوۆا جوبادان العان ەسەرٸمەن بٶلٸستٸ.
– ەلباسىنىڭ باستاۋىمەن ٸسكە اسىرىلىپ وتىرعان جوبانىڭ قاتىسۋشىلارى ٷشٸن بۇل – تاريحي سەت. وسى ورايدا, ەلباسىمىزعا, جوبانىڭ بارلىق ۇيىمداستىرۋشىلارىنا, تەلٸمگەرلەرٸمٸزگە ايتار العىسىم شەكسٸز. بٸزدٸڭ دامۋىمىزعا, جاڭا داعدىلار الۋىمىزعا, كەشەدەن گٶرٸ جاقسى بولۋىمىزعا اتسالىسىپ, زور ٷلەسٸن قوسىپ كەلەدٸ. ەلٸ تالاي بەلەستەر, العا قويعان ماقساتتار بار. «ەلباسى مەدالٸنٸڭ» التىن مەدالٸنە جەتكەنشە بولاشاق ٶمٸرٸمٸزگە پايدالى باعدار, ٷلكەن تەجٸريبە جينايمىز, – دەيدٸ مەرييام قوجابالۋانوۆا.
