قىزىلورداداعى اۋرۋحانادا بيۋدجەت اقشاسى ۇرلانعان,- دەپ حابارلايدى Dalanews.kz.
قارجىلىق مونيتورينگ اگەنتتٸگٸ "قىزىلوردا وبلىستىق ينفەكتسييالىق اۋرۋحاناسى" شجق مكك-نىڭ لاۋازىمدى تۇلعالارىنا قاتىستى اسا ٸرٸ كٶلەمدەگٸ بيۋدجەت قاراجاتىن جىمقىرۋ دەرەگٸ بويىنشا تەرگەۋدٸ اياقتادى.
اۋرۋحانانىڭ باس ەسەپشٸسٸ مەديتسينالىق كەرەۋەتتٸ ساتىپ الۋ باعاسىن ٷش ەسەگە كٶتەرۋ ارقىلى مەملەكەت قارجىسىن جىمقىرعان.
"تەندەر نەتيجەسٸندە جشس مەن اۋرۋحانا اراسىندا جالپى قۇنى 259 ملن تەڭگەگە 220 مەديتسينالىق كەرەۋەت ساتىپ الۋعا شارت جاسالعان. بٸر كەرەۋەتتٸڭ باعاسى 1,2 ميلليون تەڭگە دەپ كٶرسەتٸلگەن. بٸراق شىن مەنٸندە ونىڭ ناقتى ساتىپ الۋ باعاسى 460 مىڭ تەڭگەدەن اسپاعان, ياعني كٶرسەتٸلگەن باعادان ٷش ەسە ارزان بولعان. وسىلايشا نەگٸزسٸز قوسىلعان شىعىن كٶلەمٸ 129 ملن تەڭگەگە جەتتٸ. تەرگەۋ بارىسىندا كٷدٸكتٸلەردٸڭ 111 ملن تەڭگە تۇراتىن مٷلكٸنە تىيىم سالىندى", - دەپ جازىلعان حابارلامادا.
مەملەكەتكە كەلتٸرٸلگەن 129 ملن تەڭگە كٶلەمٸندەگٸ زالال تولىق كٶلەمدە ٶتەلدٸ. باس ەسەپشٸ 2 اي مەرزٸمگە قاماۋعا الىندى. قىلمىستىق ٸس سوتقا جولداندى.
