Qyzylordadaǵy aýrýhanada biýdjet aqshasy urlanǵan,- dep habarlaidy Dalanews.kz.
Qarjylyq monitoring agenttigi "Qyzylorda oblystyq infektsiialyq aýrýhanasy" ShJQ MKK-nyń laýazymdy tulǵalaryna qatysty asa iri kólemdegi biýdjet qarajatyn jymqyrý deregi boiynsha tergeýdi aiaqtady.
Aýrýhananyń bas esepshisi meditsinalyq kereýetti satyp alý baǵasyn úsh esege kóterý arqyly memleket qarjysyn jymqyrǵan.
"Tender nátijesinde JShS men aýrýhana arasynda jalpy quny 259 mln teńgege 220 meditsinalyq kereýet satyp alýǵa shart jasalǵan. Bir kereýettiń baǵasy 1,2 million teńge dep kórsetilgen. Biraq shyn máninde onyń naqty satyp alý baǵasy 460 myń teńgeden aspaǵan, iaǵni kórsetilgen baǵadan úsh ese arzan bolǵan. Osylaisha negizsiz qosylǵan shyǵyn kólemi 129 mln teńgege jetti. Tergeý barysynda kúdiktilerdiń 111 mln teńge turatyn múlkine tyiym salyndy", - dep jazylǵan habarlamada.
Memleketke keltirilgen 129 mln teńge kólemindegi zalal tolyq kólemde óteldi. Bas esepshi 2 ai merzimge qamaýǵa alyndy. Qylmystyq is sotqa joldandy.
