27 جاستاعى كەلىنشەك ءبىر جارىم جاستاعى قىزىن 1 ميلليون تەڭگەگە باعالاعان. ءتىرى تاۋارعا اينالعان بەيكۇنا بالانى ءسابي سۇيە الماي جۇرگەن ەرلى-زايىپتىلار ساتىپ العان.
بۇرىن ۇرلىق، الاياقتىق جاساعانى ءۇشىن سوتتالىپ شىققان كەلىنشەك ەندى ءوز بالاسىن ساتىپ، پايداعا كەنەلمەكشى بولعان. ول ءۇشىن ءبىر بالاعا زار بولعان وتباسىن ىزدەپ تاۋىپ، ءتيىستى قارجىنى قالتاسىنا باسىپ ۇلگەرىپتى.
الايدا پوليسيا الدىمەن بالانى ساتىپ العان ەرلى-زايىپتىلاردى ىزدەپ تاپقان. كەشىكپەي باۋىر ەتى بالاسىن اقشاعا ايىرباستاعان كەلىنشەكتى ۇستادى.
ءبىراق كۇدىكتى ءالى قاماۋعا الىنعان جوق. ول تەرگەۋگە كەلىپ تۇرۋعا مىندەتتەلدى. وعان قاتىستى «ادام ساۋداسى» بويىنشا ءىس قوزعالىپ، سوتقا دەيىنگى تەرگەۋ ءجۇرىپ جاتىر. ەگەر بالاسىن ساتقانى دالەلدەنسە، 9 جىلعا دەيىن باس بوستاندىعىنان ايرىلۋى مۇمكىن.
اسەم ابدىكارىموۆا، اقمولا وبلىسى پد باسپا ءسوز حاتشىسىنىڭ مىندەتىن اتقارۋشى:
- كريمينالدىق پوليسيا جەدەل پروفيلاكتيكالىق شارادا بالا ساۋداسى بولعانى جونىندە اقپارات الدى. جانە دە كۇدىكتىلەر بەلگىلى بولدى. ءقازىر بالا ساتقان ايەل مەن بىرگە جاڭا تۋعان سابيلەر مەن 3 جاسقا دەيىنگى بالالاردى باعاتىن مەكەمە قىزمەتكەرلەرىنىڭ دە وسى قىلمىسقا قاتىسى بار-جوعى تەكسەرىلىپ جاتىر.
https://www.youtube.com/watch؟v=SxOtRXxGJZ0
