Bir jarym jastaǵy qyzyn 1 millionǵa satyp jibergen kelinshek ustaldy
27 jastaǵy kelinshek bir jarym jastaǵy qyzyn 1 million teńgege baǵalaǵan. Tiri taýarǵa ainalǵan beikúná balany sábi súie almai júrgen erli-zaiyptylar satyp alǵan.
Buryn urlyq, alaiaqtyq jasaǵany úshin sottalyp shyqqan kelinshek endi óz balasyn satyp, paidaǵa kenelmekshi bolǵan. Ol úshin bir balaǵa zar bolǵan otbasyn izdep taýyp, tiisti qarjyny qaltasyna basyp úlgeripti.
Alaida politsiia aldymen balany satyp alǵan erli-zaiyptylardy izdep tapqan. Keshikpei baýyr eti balasyn aqshaǵa aiyrbastaǵan kelinshekti ustady.
Biraq kúdikti áli qamaýǵa alynǵan joq. Ol tergeýge kelip turýǵa mindetteldi. Oǵan qatysty «Adam saýdasy» boiynsha is qozǵalyp, sotqa deiingi tergeý júrip jatyr. Eger balasyn satqany dáleldense, 9 jylǵa deiin bas bostandyǵynan airylýy múmkin.
Ásem Ábdikárimova, Aqmola oblysy PD baspasóz hatshysynyń mindetin atqarýshy:
- Kriminaldyq politsiia jedel profilaktikalyq sharada bala saýdasy bolǵany jóninde aqparat aldy. Jáne de kúdiktiler belgili boldy. Qazir bala satqan áiel men birge jańa týǵan sábiler men 3 jasqa deiingi balalardy baǵatyn mekeme qyzmetkerleriniń de osy qylmysqa qatysy bar-joǵy tekserilip jatyr.
https://www.youtube.com/watch?v=SxOtRXxGJZ0
