بۇرىن پرەزيدەنت اكىمشىلىگىنىڭ جەتەكشىسى بولعان تانىمال ساياسي تۇلعا اسلان ءمۋسيننىڭ ۇلى اسىلبەك لاتۆيادا قايتىس بولدى.
مارقۇمنىڭ قازاسى جايلى قارالى حاباردى Telegram جەلىسىندە ساياساتتانۋشى تالعات قالييەۆ جەتكىزگەن.
ونىڭ ايتۋىنشا، اسىلبەك مۋسين 15 قاباتتىڭ تەرەزەسىنەن قۇلاپ، اۋىر جاراقات العان. بىرنەشە ۋاقىتتان كەيىن قايتىس بولعان.
“دەمالىس بولعاندىقتان كريميناليستيكالىق ساراپتاما ءالى جاسالعان جوق. ءولىمنىڭ سەبەبى جانە مارقۇمنىڭ ولەر الدىنداعى جاعدايى قالاي بولعانى تەك قانا ساراپتامادان كەيىن بەلگىلى بولادى.
پوليسيا ونى ءوز- وزىنە قول سالعان بولۋى مۇمكىن دەپ بولجايدى. سەبەبى بۇدان ەكى اي بۇرىن ونىڭ ازاماتتىق نەكەدەگى ايەلى ءدال وسى تەرەزەدەن سەكىرىپ كەتكەن ەدى”، – دەپ جازعان تالعات قالييەۆ.
دەرەككوز: stan.kz
