بۇل تۋرالى ق ر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ ءمالىم ەتتى، دەپ حابارلايدى inbusiness.kz .

ۆەدومستۆو باسشىسىنىڭ ايتۋىنشا 2020 جىلى رەسپۋبليكاعا ەتنيكالىق كوشى-قوندى ىنتالاندىرۋ شەڭبەرىندە 7 مىڭنان استام وتباسى نەمەسە 13 مىڭ ەتنيكالىق قازاق كەلگەن.

«ونىڭ ىشىندە 396 وتباسى شىعىس قازاقستان، سولتۇستىك قازاقستان، اقمولا، پاۆلودار، قوستاناي وبلىستارىنا قونىستانعان. سونىمەن قاتار ەل ەكونوميكاسىن بىلىكتى شەتەلدىك ماماندارمەن قامتاماسىز ەتۋ بويىنشا شارالار قابىلدانۋدا. 2020 جىلى بولىنگەن كۆوتا شەڭبەرىندە جەرگىلىكتى اتقارۋشى ورگاندار شەتەلدىك جۇمىس كۇشىن تارتۋعا 17،3 مىڭ رۇقسات بەردى. قازاقستاندىق قىزمەتكەرلەردىڭ مۇددەلەرىن ەسكەرە وتىرىپ، اعىمداعى جىلعا كۆوتا رەسپۋبليكاداعى جۇمىس كۇشىنىڭ سانىنا قاتىستى 0،31%-دى قۇرادى»، – دەدى مينيستر.

ۆەدومستۆو باسشىسىنىڭ ايتۋىنشا، قولدانىستاعى كوشى-قون جۇيەسىن جەتىلدىرۋ ماقساتىندا وتكەن جىلى زاڭناماعا ەلگە كەلەتىن قونىس اۋدارۋشىلار قولايلى جاعدايلار جاساۋ، شەتەلدىك بىلىكتى قىزمەتكەرلەردى قازاقستاندىق كادرلارمەن الماستىرۋ جونىندەگى مىندەتتەمەلەر كوزدەيتىن تۇزەتۋلەر ەنگىزىلگەن.

«كوشى-قون قاتىناستارىن ودان ءارى دامىتۋ شەڭبەرىندە 2021 جىلى ءۇش نەگىزگى مىندەت ايقىندالدى. ءبىرىنشىسى – قازاقستان رەسپۋبليكاسى كوشى-قون ساياساتىنىڭ 2022-2026 جىلدارعا ارنالعان جاڭا تۇجىرىمداماسىن قابىلداۋ. ەكىنشىسى – قازاقستاندىق قىزمەتكەرلەردى شەتەلدە جۇمىسقا ورنالاستىرۋ جانە قۇقىقتىق قورعاۋ بويىنشا ءتيىستى جۇيەنى ەنگىزۋ. ءۇشىنشىسى – كادرلارداعى قازاقستاندىق قامتۋدى قامتاماسىز ەتۋ كەمىندە 97% دەڭگەيىندە ساقتاۋ»، – دەدى سەرىك شاپكەنوۆ.