Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Byltyr Qazaqstanǵa 13 myń qandasymyz kóship kelgen

Dalanews
Byltyr Qazaqstanǵa 13 myń qandasymyz kóship kelgen
Bul týraly QR Eńbek jáne halyqty áleýmettik qorǵaý ministri Serik Shápkenov málim etti, dep habarlaidy inbusiness.kz .

Vedomstvo basshysynyń aitýynsha 2020 jyly respýblikaǵa etnikalyq kóshi-qondy yntalandyrý sheńberinde 7 myńnan astam otbasy nemese 13 myń etnikalyq qazaq kelgen.

«Onyń ishinde 396 otbasy Shyǵys Qazaqstan, Soltústik Qazaqstan, Aqmola, Pavlodar, Qostanai oblystaryna qonystanǵan. Sonymen qatar el ekonomikasyn bilikti sheteldik mamandarmen qamtamasyz etý boiynsha sharalar qabyldanýda. 2020 jyly bólingen kvota sheńberinde jergilikti atqarýshy organdar sheteldik jumys kúshin tartýǵa 17,3 myń ruqsat berdi. Qazaqstandyq qyzmetkerlerdiń múddelerin eskere otyryp, aǵymdaǵy jylǵa kvota respýblikadaǵy jumys kúshiniń sanyna qatysty 0,31%-dy qurady», – dedi ministr.

Vedomstvo basshysynyń aitýynsha, qoldanystaǵy kóshi-qon júiesin jetildirý maqsatynda ótken jyly zańnamaǵa elge keletin qonys aýdarýshylar qolaily jaǵdailar jasaý, sheteldik bilikti qyzmetkerlerdi qazaqstandyq kadrlarmen almastyrý jónindegi mindettemeler kózdeitin túzetýler engizilgen.

«Kóshi-qon qatynastaryn odan ári damytý sheńberinde 2021 jyly úsh negizgi mindet aiqyndaldy. Birinshisi – Qazaqstan Respýblikasy Kóshi-qon saiasatynyń 2022-2026 jyldarǵa arnalǵan jańa tujyrymdamasyn qabyldaý. Ekinshisi – qazaqstandyq qyzmetkerlerdi shetelde jumysqa ornalastyrý jáne quqyqtyq qorǵaý boiynsha tiisti júieni engizý. Úshinshisi – kadrlardaǵy qazaqstandyq qamtýdy qamtamasyz etý keminde 97% deńgeiinde saqtaý», – dedi Serik Shápkenov.
qandastar Madina Sádýaqasova

Oqi otyryńyz