راقىمشىلىققا ىلىكپەي قالعان نۇرلان جولامانوۆ تۇرمەدە وتىرىپ اشكەرەلەۋشى ماتەريالدارىن جاريالاعالى جاتىر. 11 جىلعا سوتتالعان شەكارا قىزمەتىنىڭ ەكس-باسشىسى بۇرىن بىرگە جۇمىس ىستەگەن  ارىپتەستەرىنىڭ بار بىلىعىن اشپاق. ءتىپتى دەرەكتەرىن ءتىزىپ اقورداعا جولداپ تا قويىپتى. بۇل جايىندا كتك ارناسى حابارلادى.

ءوز كەزەگىندە نۇرلان جولامانوۆتىڭ قورعاۋشىسى مۇستاحيم تولەيەۆ:

- ول بۇرىن دا پرەزيدەنت اكىمشىلىگىنە حات جازعان.  شەكارا قىزمەتىنىڭ جۇيەسىندە كەڭ ەتەك العان قىلمىس ارەكەتتەرىن، مەملەكەتتىڭ قارجىسى تالان-تاراجعا سالىنعانىن جازعان. ءتىپتى، لاۋازىمدى ادامداردىڭ ءاتى-جونىن كورسەتكەن. ءبىراق ول جابۋلى قازان كۇيدە قالدى. تاياۋدا مەن كەزدەسۋگە بارعاندا ول: «ءوز تاراپىنان رەسمي ارىز ازىرلەپ جاتىرمىن. كوپ قىلمىستاردىڭ بەتىن اشامىن» دەگەن بولاتىن، - دەيدى.

جولامانوۆتىڭ اشۋلانۋىنا سەبەپ تە جوق ەمەس. ويتكەنى، ول تاۋەلسىزدىكتىڭ 25 جىلدىعىنا وراي جاريالانعان راقىمشىلىققا ىلىكپەي قالىپى.

سوت زەينەت جاسىنا جەتكەن شەكارا قىزمەتىنىڭ ەكس-ديرەكتورىن امنيستياعا ىلىككەندەردىڭ  تىزىمىنە قوسپاعان. ەندى ول سوتتىڭ شەشىمىنە قارسى قايتا شاعىمدانباق.

ەستەرىڭىزگە سالساق، جولامانوۆ 2014ء-شى جىلى ۇستالىپ، بىلتىر 11 جىلعا سوتتالعان بولاتىن. لاۋازىمدى اسكەريگە پارا الدى، قىلمىستىق توپ قۇردى دەگەن ايىپتار تاعىلعان.

ءجاۋدىر ورازحان