بۇل ءىس-شارا وسى جىلى العاش رەت وتكىزىلگەن. Hacker Rank University Code – Sprint پلاتفورماسى ۋنيۆەرسيتەتتەردىڭ كودتاۋمەن ماماندانعان پروگرامميستەردى دايىنداۋ جەتىستىك دەڭگەيلەرىن انىقتادى.
رەيتينگ رەسۋرستى قولدانۋشىلاردىڭ باعدارلامالاۋدان ەسەپتەردى شەشۋ ناتيجەلەرىنە سايكەس قالىپتاستىرىلدى. ءىس-شاراعا الەمنىڭ 126 ۋنيۆەرسيتەتى مەن كوللەدجدەرىنىڭ 5،5 مىڭنان استام ستۋدەنتتەرى قاتىستى. ەسەپتەردى شەشۋىنە قاراي ۋنيۆەرسيتەتتەرگە بەلگىلى بالل سانى بەرىلدى.
HaسkerRank پلاتفورماسىنىڭ ەسەپتەۋى بويىنشا، سانك-پەتەربۋرگ ۇلتتىق اقپاراتتىق تەحنولوگيالار، مەحانيكا جانە وپتيكا زەرتتەۋ ۋنيۆەرسيتەتى ەڭ ۇزدىك اتاندى. ەكىنشى ورىندا Sun Yat – sen memorial Middle School (جۇڭگو)، ال ءۇشىنشى ورىندا Ho Chi Minh City University of Science (ۆەتنام).
الماتى ءبىلىم-يننوۆاسيا ليسەيى (كتل) رەيتينگتە 21-ورىنعا تابان تىرەدى. 9 سىنىپ وقۋشىلارى: ءابىلحانوۆ الماس، مۋحامەتقازين ارافات، تولەگەن ەرنازار.
10 سىنىپ وقۋشىلارى: راحماتۋللين راليف، الۋادين ايدىن، كۋساينوۆ جانبولات.11 سىنىپ وقۋشىلارى: مادىبەك نۇرباقىت، تۋرۋبايەۆ اليشەر، ابدراحمانوۆ الديار، جالعاسوۆ اسحات. كوماندالار ەڭ ازىندا 10 وقۋشى بولۋ كەرەك.
ەڭ جوعارعى بالل جيناعان وقۋشىمىز 11-سىنىپ وقۋشىسى مادىبەك نۇرباقىت قازاقستاننان قاتىسقان وقۋشىلاردىڭ ىشىنەن ەكىنشى ورىن العان، ال جالعاسوۆ اسحات 7ء-ىنشى بولعان. وقۋشىلارىمىزدىڭ بارلىعى ينفورماتيكا ءپانى بويىنشا وليمپياداعا قاتىسىپ جۇرگەن دارىندى بالالار.
جانايحان بولات
ديرەكتوردىڭ بەيىندى وقىتۋ ىسى-جونىندەگى ورىنباسارى
