بٸلٸم سالاسىنىڭ سوڭعى جىلدارى كٶشٸ تٷزەلٸپ كەلە جاتقان. ەسٸرەسە, «ۇستازداردىڭ ادۆوكاتى» رەتٸندە كٶپشٸلٸكتٸڭ ەسٸندە قالاتىن عاني بەيسەمباەۆ كەلە سالا, ۇستازداردى وسى ۋاقىتقا دەيٸن قولبالاشا جۇمساپ كەلگەن ەكٸمدەرمەن مىقتاپ كٷرەستٸ. ماڭعىستاۋدا ەكٸم جۇمىستان شىعارعان ديرەكتوردى قايتادان ٶز ورنىنا العىزدى, سەمەيدە شىرشادان قۇلاعان مۇعالٸمنٸڭ جوعىن جوقتاپ, قۇقىعىن قورعادى, قوستانايدىڭ ەكٸمٸ مۇعالٸمدەردٸ جاعاجايعا رەيدكە شىعارامىن دەپ ەدٸ, وعان دا اراشاشى بولدى.
ٶزٸ دە قاراپايىم مۇعالٸمدٸكتەن شىعىپ, ۇستازدىڭ مۇڭىن ۇستازداي تٷسٸنگەن مينيستردٸڭ تۇسىندا ٷش قاراپايىم پەداگوگكە اقوردانىڭ تٶرٸندە مەملەكەت باسشىسى «ەڭبەك ەرٸ» اتاعىن بەردٸ. بۇل – ەل تاريحىندا سيرەك كەزدەسەتٸن وقيعا بولاتىن.
العاش رەت ۇلتتىق قۇندىلىققا نەگٸزدەلگەن تەربيە ەكوجٷيەسٸ قۇرىلدى
عاني بەيسەمباەۆتىڭ مينيستر رەتٸندەگٸ العاشقى ٸرٸ قادامدارىنىڭ بٸرٸ – تەربيە ٸسٸن بٸرٸزدەندٸرۋ بولدى. بۇرىن ەر مەكتەپ ٶز بەتٸنشە جٷرگٸزٸپ كەلگەن تەربيە جۇمىستارى ەندٸ تۇتاس ەكوجٷيەگە اينالدى. پرەزيدەنتتٸڭ ۇلتتىق قۇرىلتايدا بەرگەن تاپسىرمالارىنان كەيٸن, ٸلە-شالا «ادال ازامات» بٸرتۇتاس تەربيە باعدارلاماسى دٷنيەگە كەلدٸ. بۇل باعدارلاما ارقىلى اتا-انا, ۇستاز جەنە بالا ىنتىماقتاستىعىنىڭ ٷشتاعانى جاسالدى.
مەكتەپ قابىرعاسىندا ۇلتتىق قۇندىلىقتاردى دەرٸپتەۋ, وتانسٷيگٸشتٸك پەن ادالدىقتى قالىپتاستىرۋ باستى ۇستانىمعا اينالدى. بۇرىن بالاسىنىڭ تەربيەسٸنە نەمقۇرايدى قاراپ كەلگەن اتا-انالار دا پەداگوگيكالىق قولداۋ ورتالىقتارى ارقىلى مەكتەپ جۇمىسىنا بەلسەنە ارالاسا باستادى.
اۋىل بالالارى ٷشٸن جاڭا مٷمكٸندٸكتەرگە جول اشىلدى
شىنىن ايتۋ كەرەك, بەيسەمباەۆتىڭ ٶزٸ اۋىلدىڭ قاراپايىم مۇعالٸمٸنەن ٶسكەندٸكتەن, اۋىل مەن قالا بالالارىنىڭ بٸلٸم دودالارىنا قاتار تٷسۋٸ ەدٸلەتسٸزدٸك ەكەنٸن جاقسى تٷيسٸنگەن سىڭايلى. وسىلايشا, 2023 جىلى تەك اۋىل بالالارىنا ارنالعان «اۋىل مەكتەپتەرٸنٸڭ وليمپياداسى» العاش رەت رەسمي تٷردە باستاۋ الدى. مىڭداعان اۋىل بالاسى بٸلٸم بەيگەسٸندە باعىن سىناپ, جۇلدىزىن جاقتى. جەڭٸمپازدارعا جوعارى وقۋ ورىندارىنا ارنايى گرانتتار بٶلٸندٸ. وعان مىڭداعان اۋىل بالالارى قاتىستى, ال رەسپۋبليكالىق وليپميادالاردىڭ جٷلدەگەرلەرٸ مەن جەڭٸمپازدارىنىڭ سانى 10 ەسە ارتتى.
سونىمەن بٸرگە «اۋىل مەكتەبٸ – ساپا الاڭى» جوباسى ٸسكە قوسىلىپ, 1,5 مىڭ مەكتەپتٸڭ ماتەريالدىق-تەحنيكالىق بازاسى جاڭعىرتىلدى, ينتەرنەتپەن قامتىلۋى شەشٸلدٸ. سونداي-اق وقۋشىسى از, سەيكەسٸنشە, پەن مۇعالٸمدەرٸ جەتٸسپەيتٸن اۋىل مەكتەپتەرٸ ٷشٸن, قالا مەكتەپتەرٸنٸڭ بٸلٸكتٸ مۇعالٸمدەرٸنٸڭ ونلاين ساباق بەرۋٸ ۇيىمداستىرىلدى.
ينكليۋزيۆتٸ بٸلٸم بەرۋگە باسىمدىق بەرٸلدٸ
عاني بەيسەمباەۆتىڭ تۇسىندا مينيسترلٸكتٸڭ قۇرىلىمىندا العاش رەت ينكليۋزيۆتٸ جەنە ەرەكشە بٸلٸم بەرۋ دەپارتامەنتٸ قۇرىلدى. بۇل – مەملەكەتتٸڭ ەرەكشە قاجەتتٸلٸگٸ بار بالالارعا باسىمدىق بەرگەنٸن ايقىندادى. از عانا ۋاقىت ٸشٸندە مەكتەپتەردٸڭ 90%-ىندا ينكليۋزيۆتٸ بٸلٸم بەرۋگە جاعداي جاسالدى, ٷزدٸكسٸز قولداۋ ورتالىعىنقۇرۋ جۇمىستارى قولعا الىندى, زاڭنامالىق بازا نىعايتىلدى.
حالىقارالىق بٸلٸم كەڭٸستٸگٸنە نىق قادام جاسالدى
قازاقستان العاش رەت حالىقارالىق دەڭگەيدە بٸلٸم ساپاسىن باعالاۋ اككرەديتاتسيياسىنان ٶتتٸ. وقۋشىلاردىڭ بٸلٸم جەتٸستٸكتەرٸن باعالاۋدىڭ ۇلتتىق قۇرالى حالىقارالىق ساپا بەلگٸسٸن يەلەندٸ. ال 2024 جىلى ەل تاريحىندا تۇڭعىش رەت حالىقارالىق بيولوگييا وليمپياداسى (IBO) قازاقستاندا ٶتتٸ. وعان 81 ەلدەن كەلگەن جٷزدەگەن جاس عالىمدار قاتىستى.
جالپى قازاقستاندىق وقۋشىلار 2024–2025 وقۋ جىلىندا 1000-عا جۋىق حالىقارالىق مەدال الىپ, ونىڭ 192-سٸن التىننان تاقتى. بۇل – ەلدٸڭ بٸلٸم ەلەۋەتٸنٸڭ ٶسكەنٸن ايقىن دەلەلدەيدٸ.
جاڭا مەنەدجەرلەر بۋىنى دٷنيەگە كەلدٸ
باسقارۋشىلاردىڭ جاڭا بۋىنىن قالىپتاستىرۋعا باعىتتالعان «بٸلٸم بەرۋدەگٸ 1000 كٶشباسشى» ستراتەگييالىق جوباسى جٷزەگە اسىرىلۋدا. بۇل باسقارۋشىلىق قابٸلەتتەردٸ جٷيەلٸ تٷردە دامىتۋعا جەنە سەنٸمدٸ شەشٸم قابىلداي الاتىن جەتەكشٸلەردٸ قالىپتاستىرۋعا مٷمكٸندٸك بەرەدٸ.بٷگٸنگٸ تاڭدا رەسپۋبليكالىق كادرلىق رەزەرۆكە 583 پەداگوگ ەنگٸزٸلٸپ, ولاردىڭ ٸشٸندە 400-دەن اسا ٷمٸتكەر كونكۋرستان تىس نەگٸزدە باسشىلىق قىزمەتكە تاعايىندالدى. تەك 2024 جىلدىڭ ٶزٸندە 40 رەزەرۆيست جاڭا ٷلگٸدەگٸ «كەلەشەك مەكتەپتەرٸ» جوباسى اياسىندا سالىنعان مەكتەپتەردٸڭ ديرەكتورلارى بولدى.
بٸلٸم بەرۋدە جاساندى ينتەللەكت ەلەمەنتتەرٸ ەنگٸزٸلدٸ
بٷگٸنگٸ زامان تالابىنا ساي, بٸلٸم بەرۋ جٷيەسٸنە جاساندى ينتەللەكت ەنگٸزٸلە باستادى. عاني بەيسەمباەۆ پەن تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸمەن بٸرلەسكەن 2025–2029 جىلدارعا ارنالعان ورتا, تەحنيكالىق جەنە كەسٸپتٸك, سونداي-اق ورتا بٸلٸمنەن كەيٸنگٸ بٸلٸم بەرۋ جٷيەسٸنە جاساندى ينتەللەكتٸنٸ ەنگٸزۋدٸڭ تۇجىرىمدامالىق نەگٸزدەرٸن بەكٸتۋ تۋرالى بٸرلەسكەن بۇيرىققا قول قويدى.
وقۋشىلارعا ارنالعان «Day of AI» كەشەنٸ جاسالدى, ۇستازدار ارنايى دايارلىقتان ٶتتٸ. بۇل – قازاقستاندى جاھاندىق بٸلٸم كٶشٸنەن قالدىرماۋ ٷشٸن جاسالعان باتىل قادام بولدى. سونىمەن بٸرگە قاشىقتان وقىتۋ, تسيفرلىق پلاتفورمالار, روبوتوتەحنيكا مەن باعدارلامالاۋ كۋرستارى الىستاعى اۋىلدارعا دا دەيٸن جەتكٸزٸلدٸ.
بالالاردى قورعاۋ ينستيتۋتى كٷشەيتٸلدٸ
مينيستر بەيسەمباەۆتىڭ تۇسىندا بالاعاساپالى بٸلٸم بەرۋگە عانا ەمەس, ول ٷشٸن قاۋٸپسٸز بٸلٸم بەرۋ ورتاسىن قۇرۋعا دا ەرەكشە كٶڭٸل بٶلٸندٸ. بالالاردى قورعاۋ بويىنشا ٶتكەن جىلى 3 بٸردەي زاڭ قابىلداندى. العاش رەت بالالاردى زورلىق-زومبىلىقتان, سۋيتسيدتەن قورعاۋ جٶنٸندە كەشەندٸ جوسپار قابىلداندى, وتاندىق «دوسبولLIKE» انتيبۋللينگتٸك باعدارلاماسى ەزٸرلەندٸ. پسيحولوگييالىق قىزمەتتەر كٷشەيتٸلٸپ, اتا-انالار مەن قوعامدى تارتۋ ارقىلى بالا ٷشٸن قاۋٸپسٸز ورتا قالىپتاستىرۋعا باسىمدىق بەرٸلدٸ. مەملەكەت باسشىسىنىڭ تاپسىرماسىنا سەيكەس «قازاقستان بالالارى» باعدارلاماسىنىڭ جوباسى قولعا الىندى.
بالاعا دالادان دا, ينتەرنەتتەن دە تٸپتٸ ٶز وتباسىنان دا قاۋٸپ تٶنەتٸنٸن ەسكەرٸپ, ولاردىڭ ٶز ٶزدەرٸن قورعاۋىن قامتاماسىز ەتۋ ماقساتىندا مەكتەپتەردە قاۋٸپسٸزدٸك ساباقتارى العاش رەت ٶتكەن جىلدان باستاپ ەنگٸزٸلە باستادى.
مەكتەپكە دەيٸنگٸ بٸلٸم بەرۋدە اشىقتىق قاعيداتى ەنگٸزٸلدٸ
العاش رەت بالاباقشاعا ورىن جەتٸسپەۋشٸلٸگٸن ازايتۋ ٷشٸن ۆاۋچەرلٸك قارجىلاندىرۋ تەتٸگٸ ەنگٸزٸلدٸ. بۇل اتا-انالارعا اشىقتىق بەرٸپ قانا قويماي, بالالاردى مەكتەپكە دەيٸنگٸ بٸلٸممەن قامتۋعا مٷمكٸندٸك جاسادى.
تجكبب جٷيەسٸ تولىقتاي ترانسفورماتسييالانۋدا
جۇمىسشى ماماندىقتار جىلىنىڭ جارييالانۋى تەحنيكالىق جەنە كەسٸپتٸك بٸلٸم بەرۋ جٷيەسٸن جاڭعىرتۋعا جەنە ەڭبەك نارىعى تالاپتارىنا ساي ماماندار دايارلاۋ ساپاسىن ارتتىرۋعا, سونداي-اق تجكب جٷيەسٸن ترانسفورماتسييالاۋعا جاڭا سەرپٸن بەردٸ. ستۋدەنتتەردٸ ەلەۋمەتتٸك قولداۋ شارالارى كٷشەيتٸلدٸ. اتاپ ايتساق, 2024 جىلى شەكٸرتاقى كٶلەمٸ ەكٸ ەسەگە ٶستٸ, جۇمىسشى ماماندىقتارى بويىنشا وقيتىن ستۋدەنتتەر تەگٸن ىستىق تاماقپەن قامىلدى. بيزنەسپەن ىنتىماقتاستىق جاڭا دەڭگەيگە كٶتەرٸلدٸ. شەفتٸك قامقورلىق كٶرسەتەتٸن كەسٸپورىندار سانى بٸر جىلدا سەگٸز ەسەگە ٶسٸپ, 4,1 مىڭعا جەتتٸ. حالىقارالىق ەرٸپتەستٸك تە كەڭەيۋدە. شەتەلدٸك كوللەدجدەرٸمەن سەرٸكتەستٸك ورناتىلىپ, بٸرلەسكەن باعدارلامالار ٸسكە قوسىلدى. سونداي-اق العاش رەت قازاقستان تٷركٸ ەلەمٸندەگٸ ەڭ ٸرٸ كەسٸبي شەبەرلٸك چەمپيوناتىن ٶتكٸزۋگە باستاماشىلىق ەتتٸ. 5–9 قازان ارالىعىندا اقتاۋ قالاسىندا العاش رەت TurkicSkills حالىقارالىق كەسٸبي شەبەرلٸك چەمپيوناتى ٶتەدٸ.
«ABAI ULTTYQ MEKTEBI» العاشقى ۇلتتىق مەكتەپ بوي كٶتەردٸ
«ABAI ULTTYQ MEKTEBI»-نٸڭ قۇرىلۋى – وتاندىق بٸلٸم بەرۋدٸ دامىتۋداعى ەڭ ماڭىزدى ستراتەگييالىق قادامداردىڭ بٸرٸنە اينالدى. ول مەملەكەت باسشىسىنىڭ تاپسىرماسى اياسىندا جٷزەگە اسۋدا. ۇل جوبا قازاقستاننىڭ تالانتتى بالالارى ٷشٸن بٸرەگەي بٸلٸم بەرۋ ورتاسىن قۇرۋعا باعىتتالعان. مەكتەپ 900 وقۋشى ورنىنا ارنالعان جەنە مۇندا بالالارعا ارنالعان ينتەرنات, وقىتۋشىلار ٷيٸ, كٸتاپحانا, سپورت كەشەنٸ قاراستىرىلعان. ول بيىلعى جىلى اشىلادى دەپ جوسپارلانىپ وتىر.
بٸلٸم بەرۋ ينفراقۇرىلىمى دامىدى
سوڭعى جىلدارى قازاقستاندا بالالاردىڭ بٸلٸم الۋىنا زاماناۋي جاعداي جاساۋ باعىتىندا ەلەۋلٸ ٸلگەرٸلەۋ بايقالدى. بەيسەمباەۆتىڭ تۇسىندا جالپى سانى 500-دەن استام مەكتەپ پايدالانۋعا بەرٸلدٸ. قازٸرگٸ ۋاقىتتا ەلٸمٸزدە 3000 مەكتەپ بٸر اۋىسىمدا, 5000-نان استام مەكتەپ ەكٸ اۋىسىمدا جۇمىس ٸستەيدٸ. جىل سوڭىنا دەيٸن 140 مىڭ ورىنعا ارنالعان تاعى 111 مەكتەپتٸڭ قۇرىلىسى اياقتالادى. «كەلەشەك مەكتەپتەرٸ» ۇلتتىق جوباسى تابىستى جٷزەگە استى. بۇشل شارالار ەلٸمٸزدٸڭ كٶپتەگەن ٶڭٸرلەرٸندە ٷش اۋىسىمدى وقىتۋدى جويۋعا جەنە قوسىمشا 150 مىڭ ورىن تاپشىلىعىن قىسقارتۋعا مٷمكٸندٸك بەرەدٸ.
عاني بەيسەمباەۆتىڭ مينيسترلٸگٸ تۇسىندا بٸلٸم بەرۋ جٷيەسٸ جاڭاشا تىنىس الدى. ول ۇستازدىڭ مۇڭىن مۇڭداپ, اۋىل بالاسىنىڭ ارمانىن قورعاپ, ەرەكشە بالالارعا تەڭ مٷمكٸندٸك سىيلادى. ۇلتتىق قۇندىلىققا نەگٸزدەلگەن تەربيە, اۋىل وليمپياداسى, حالىقارالىق بٸلٸم كەڭٸستٸگٸنە قادام, جاساندى ينتەللەكتٸنٸ ەنگٸزۋ – بەرٸ دە ەلدٸڭ بولاشاعىنا قالانعان بەرٸك ٸرگەتاس بولدى.
