وقۋ-اعارتۋ ءمينيسترى عاني بەيسەمبايەۆ ءماجىلىس دەپۋتاتى اسحات ايماعامبەتوۆ مينيستر قىزمەتىندە جاساپ كەتكەن جۇيەنى وزگەرتىپ جاتىر. بۇل تۋرالى ءبىلىم سالاسىنداعى وزەكتى پروبلەمالاردى كوتەرىپ جۇرگەن مامان اياتجان احمەتجانوۆ ايتتى، - دەپ حابارلايدى Dalanews.kz.

اياتجان احمەتجانوۆ بەيسەمبايەۆ قانداي وزگەرىستەر جاساپ جاتقانىن ايتتى.

"ايماعامبەتوۆ وقۋشىنى قالانىڭ ىشىنەن، ءبىر وڭىردەن توقسان ۇزىلىسىنەن باسقا ۋاقىتتا اۋىستىرماۋ تۋرالى نورما قويىپ تاستادى. بيىل ونى وقۋ اعارتۋ مينيسترلىگى الىپ تاستادى. ول نە ءۇشىن ىستەلدى؟ مىسالى جەكەمەنشىك مەكتەپتەر ءار ايدىڭ 15ء-ى مەملەكەتكە وقۋشىلاردىڭ ءتىزىمىن وتكىزەدى. ال نەگىزى جەكەمەنشىك مەكتەپتەر قاراپايىم مەكتەپتەن وقۋشىنى اكەلىپ، ون كۇن تىزىمگە قوسىپ، قايتادان قايتارىپ جىبەرەدى. ونى بالانىڭ اتا-اناسى دا بىلمەي قالادى. وسىنداي جەمقورلىق فاكتىلەرى تۋادى. تارتىپكە كەلىپ قالىپ ەدىك. ال ءبىز ءتارتىپتى الدىق تا، قايتادان «بارداك» بولدى. زاڭمەن ءبىرىنشى سىنىپقا قابىلداۋدى 31 شىلدەمەن اياقتايتىن ەتىپ تاستادى. ونى الىپ 31 تامىزعا قايتادان سىرىپ تاستادى.

بۇل نە دەگەن ءسوز؟ جۇرت 31 شىلدەگە دەيىن قۇجاتىن تاپسىرىپ بىتەدى، تامىزدا ءبىر اي مەكتەپ ديرەكتورى وقۋلىعىن، كابنەتىن، ءمۇعالىمدى دايىندايدى. ەندى قالادا تامىزدىڭ سوڭىنا دەيىن ديرەكتور نە بولاتىنىن بىلمەي وتىرادى. سوسىن بالا ءبىرىنشى سىنىپقا كەلگەندە نە وقۋلىق جەتىسپەيدى، ال ارتىق وقۋلىق الىپ قويسا مەملەكەت «قارجىنى ءتيىمدى پايدالانبادىڭ» دەپ قىسادى. بۇل قوعاممەن وتىرىپ تالدايتىن تاقىرىپ ەمەس، سەبەبى تۇسىنبەيدى. ونى ديرەكتور بولعان ادام تۇسىنەدى.

مينيستر دۇرىس كۇيگە تۇسكەن دۇنيەنى قۇرتىپ جاتسا قالاي دۇرىس باعالايسىڭ؟ مۇعالىمدەردىڭ قاۋىمداستىعى 1،5 جىل بىلىعىپ تۇردى. مىسالى ساراپشى بولعىڭ كەلدى بولا المايسىڭ، سەبەبى مينيسترلىك دايىن ەمەسپىز دەپ وتىردى. بىلىعىپ جاتىر. مينيستر قايدا؟ مەن ايماعامبەتوۆتى ماقتاسام رەنجۋى مۇمكىن. پيار ءۇشىن ىستەدى دەۋى مۇمكىن، ىستەي بەرسىن، باستىسى جۇمىس ىستەسىن»، - دەيدى ايتجان احمەتجانوۆ Kultobe ارناسىنا بەرگەن سۇحباتىندا.