Oqý-aǵartý ministri Ǵani Beisembaev májilis depýtaty Ashat Aimaǵambetov ministr qyzmetinde jasap ketken júieni ózgertip jatyr. Bul týraly bilim salasyndaǵy ózekti problemalardy kóterip júrgen maman Aiatjan Ahmetjanov aitty, - dep habarlaidy Dalanews.kz.
Aiatjan Ahmetjanov Beisembaev qandai ózgerister jasap jatqanyn aitty.
"Aimaǵambetov oqýshyny qalanyń ishinen, bir óńirden toqsan úzilisinen basqa ýaqytta aýystyrmaý týraly norma qoiyp tastady. Biyl ony Oqý aǵartý ministrligi alyp tastady. Ol ne úshin isteldi? Mysaly jekemenshik mektepter ár aidyń 15-i memleketke oqýshylardyń tizimin ótkizedi. Al negizi jekemenshik mektepter qarapaiym mektepten oqýshyny ákelip, on kún tizimge qosyp, qaitadan qaitaryp jiberedi. Ony balanyń ata-anasy da bilmei qalady. Osyndai jemqorlyq faktileri týady. Tártipke kelip qalyp edik. Al biz tártipti aldyq ta, qaitadan «bardak» boldy. Zańmen birinshi synypqa qabyldaýdy 31 shildemen aiaqtaityn etip tastady. Ony alyp 31 tamyzǵa qaitadan syryp tastady.
Bul ne degen sóz? Jurt 31 shildege deiin qujatyn tapsyryp bitedi, tamyzda bir ai mektep direktory oqýlyǵyn, kabnetin, muǵalimdi daiyndaidy. Endi qalada tamyzdyń sońyna deiin direktor ne bolatynyn bilmei otyrady. Sosyn bala birinshi synypqa kelgende ne oqýlyq jetispeidi, al artyq oqýlyq alyp qoisa memleket «qarjyny tiimdi paidalanbadyń» dep qysady. Bul qoǵammen otyryp taldaityn taqyryp emes, sebebi túsinbeidi. Ony direktor bolǵan adam túsinedi.
Ministr durys kúige túsken dúnieni qurtyp jatsa qalai durys baǵalaisyń? Muǵalimderdiń qaýymdastyǵy 1,5 jyl bylyǵyp turdy. Mysaly sarapshy bolǵyń keldi bola almaisyń, sebebi ministrlik daiyn emespiz dep otyrdy. Bylyǵyp jatyr. Ministr qaida? Men Aimaǵambetovti maqtasam renjýi múmkin. Piar úshin istedi deýi múmkin, istei bersin, bastysy jumys istesin», - deidi Aitjan Ahmetjanov Kultobe arnasyna bergen suhbatynda.
