مەملەكەتتىك كەڭەسشى ەرلان قارين قازاقتىڭ ەجەلگى ءسالت-داستۇرى بەتاشاردىڭ يۋنەسكو-نىڭ ادامزاتتىڭ ماتەريالدىق ەمەس مادەني مۇراسىنىڭ رەپرەزەنتاتيۆتىك تىزىمىنە ەنگىزىلگەنىن مالىمدەدى، دەپ حابارلايدى Dalanews.kz.
ءسۇيىنشى جاڭالىق تۋرالى ول الەۋمەتتىك جەلىدەگى پاراقشاسىندا جازدى.
“جاڭا عانا پاراگۆاي استاناسى اسۋنسوندا يۋنەسكو-نىڭ ماتەريالدىق ەمەس مادەني مۇرانى قورعاۋ كوميتەتىنىڭ وتىرىسىندا قازاقتىڭ ەجەلگى سالتتارىنىڭ ءبىرى بەتاشار ادامزاتتىڭ ماتەريالدىق ەمەس مادەني مۇراسىنىڭ رەپرەزەنتاتيۆتىك تىزىمىنە ەنگىزىلدى”، - دەپ جازدى ەرلان قارين Facebook پاراقشاسىندا.
