بەسقاراعاي اۋدانىندا ەمدەۋ مەكەمەلەرىنىڭ قۇرىلىسى قارقىندى جۇرگىزىلۋدە. اتاپ ايتساق، 11 عيمارات سالىنۋدا، ونىڭ ىشىندە 6 دارىگەرلىك پۋنكت، 4 دارىگەرلىك امبۋلاتوريا جانە 1 فەلدشەرلىك-اكۋشەرلىك پۋنكت بار. قولدانىستاعى مەديسينالىق مەكەمەلەر دە كۇردەلى جوندەۋدەن وتۋدە.
جۇمىس بارىسىن باقىلاۋ ءۇشىن اۋدان اكىمى تالعات مۇراتوۆ گلۋحوۆكا، كانونەركا جانە ەرنازار اۋىلدىق وكرۋگتەرىندە بولدى. ساپار بارىسىندا اۋدان باسشىسى نىساندارعا جاۋاپتى مەردىگەرلەرگە ءتيىستى تاپسىرمالار بەردى.
اباي وبلىسىندا 2023-2024 جىلدارعا ارنالعان «اۋىلدىق دەنساۋلىق ساقتاۋدى جاڭعىرتۋ» ۇلتتىق پيلوتتىق جوباسىن ىسكە اسىرۋ شەڭبەرىندە 65 جاڭا العاشقى مەديسينالىق-سانيتارلىق كومەك نىسانىنىڭ قۇرىلىسى جوسپارلانۋدا.
