اۋدان اكىمى جۋرناليستەرمەن جۇزدەسۋدە بەسقاراعاي اۋدانىندا تۋريزم سالاسىن دامىتۋعا ايرىقشا كوڭىل ءبولىنىپ وتىرعانىن العا تارتتى. اۋدان تۋريزم سالاسىن دامىتۋعا وتە قولايلى. بۇگىندە اۋداننىڭ تۇمسا تابيعاتى تۋريستەردىڭ قىزىعۋشىلىعىن وياتىپ وتىرعانى بەلگىلى.
ءوز كەزەگىندە اۋدان اكىمى «شوشقالى» كولى ماڭىندا ەمدىك-ساۋىقتىرۋ كەشەنىن اشۋ ءىسى قولعا الىنعانىن جەتكىزدى. اتالمىش كولدىڭ ماڭىندا ادام دەنساۋلىعىنا پايدالى باتپاقتارى ءتۋريزمدى دامىتۋعا مۇمكىندىك بەرەدى.
الداعى ۋاقىتتا اكىمدىك «شوشقالى» كولى ماڭىندا تۋريستەردىڭ دەمالىپ، دەنساۋلىقتارنى تۇزەۋى ءۇشىن قاجەتتى جاعدايلاردىڭ ءبارىن جاسالاتىنىن العا تارتتى. بۇدان باسقا «سەمەي ورماندارى» مەملەكەتتىك ورمان قورى ەسىبەنەن تۋريستەرگە قىزمەت كورسەتەتىن ماڭىزدى نىسانداردا سالىناتىنىن اۋدان اكىمى العا تارتتى. الداعى ۋاقىتتا ورمان ىشىنەن تۋريستەر ءۇشىن شاعىن قوناق ءۇي، ۆولەيبول الاڭى، وزگە دە دەمالىس ورىندارى سالىنباقشى.
سونىمەن قاتار بەسقاراعاي اۋدانى اكىمدىگى «شوشقالى» كولىنىڭ جاعالاۋىن تازارىتىپ، دەمالىس ورنىنا اينالدىرۋدى كوزدەپ وتىر ەكەن. بۇگىنگى تاڭدا جەرگىلىكتى بيلىك ورىندارى شىعىس قازاقستان وبلىسى ەكونوميكا جانە بيۋدجەتتى جوسپارلاۋ بولىمىنە 2019-2020 جىلدارى «شوشقالى» كولى ماڭىنا دەيىن ەلەكتر جەلىسىن تارتتىپ، كول جاعاسىن اباتتاندىرۋعا قاتىستى ينۆەستيسيالىق ۇسىنىستارىن وتكىزىپ قويىپتى. وسىلايشا اكىم بەسقاراعاي اۋدانى اۋداننىڭ تابىسىن ەسەلەۋدە تۋريزيمگە ايرىقشا كوڭىل ءبولىپ وتىرعاندارىن جاسىرمادى.
