بەرىك شاحان ۇلىنىڭ العاشقى اڭگىمەلەرى "اق تەكە" 1962 جىلى "بالدىرعان" جۋرنالىندا، "مەنىڭ اعالارىم" 1963 جىلى قازىرگى "جاس الاش" گازەتىندە جاريالانعان. "عاشىقتىڭ ءتىلى" (1973)، "اق ءيىرىم" (1979)، "قاراتاۋدىڭ سامالى" (1984)، "نوچ ۆ گوراح" (ورىس تىلىندە، 1987)، "كورگەن تۇستەي دۇنيە" (1989)، "قۇسا" (1992) اتتى كىتاپتارى جارىق كوردى. بەرىك شاحان ۇلى ءازىربايجان جازۋشىسى اناردىڭ "اق جاعالاۋ" اتتى پوۆەسى مەن اڭگىمەلەر جيناعىن، نيۆحى جازۋشىسى ۆ.سانگيدىڭ "قايىرلى ماۋسىم" رومانى مەن ءبىر توپ اڭگىمەلەرىن قازاق تىلىنە اۋدارعان. ءازىربايجان رەسپۋبليكاسىنىڭ قۇرمەت «التىن كىتابىنا» ەسىمى جازىلعان (1980).
ءازىربايجان جازۋشىلار وداعىنىڭ ءتوراعاسى، حالىق جازۋشىسى انار جازۋشىمەن دوستىعى تۋرالى بىلاي دەيدى: «بىرنەشە جىل بۇرىن ءبىز قازاقستان جازۋشىلار وداعىنىڭ 75 جىلدىعىندا بەرىك شاحانۇلىمەن كەزدەستىك، بۇل تانىستىق دوستىققا ۇلاستى. بەرىك شاحان ۇلى پەن ونىڭ وتباسى ءازىربايجان ادەبيەتىن وتە جاقسى ءبىلدى. بەرىك شاحان ۇلىنىڭ ءازىربايجان تىلىندەگى كىتاپتارىن دا ءبىزدىڭ وقىرماندار جىلى قابىلدادى».
