بەرگەي رىسقالييەۆتىڭ پاتەرىن جوعارى لاۋازىمدى شەنەۋنىك يەمدەنىپ العان بولۋى مۇمكىن، دەپ حابارلايدى Dalanews.kz.
اڭگىمە – اقتوبە قالاسىنىڭ ورتالىعىنداعى، بەرگەي رىسقالييەۆكە تيەسىلى بولعان جىلجىمايتىن مۇلىك جايلى.
Shapalaq.kz مالىمەتىنشە، اقتوبەدەگى تۇرعىن ءۇي قاتىناستارى ءبولىمىنىڭ شەنەۋنىكتەرى قىزمەت بابىن اسىرا پايدالاندى دەگەن كۇدىككە ىلىنگەن. باسىلىم مالىمەتىنە سايكەس، پروكۋراتۋرا ءبولىمنىڭ بۇرىنعى باسشىسى جاندوس الىموۆكە قاتىستى تەرگەۋ باستاعان. قازىرگى تاڭدا ول اقتوبە وبلىسىنىڭ ەڭبەك ينسپەكسياسى باسقارماسىن باسقارادى.
ءىس ماتەريالدارىندا كورسەتىلگەندەي، 2021 جىلدان 2024 جىلعا دەيىن ءالىموۆ ءوتىنىش بەرۋشىلەردىڭ مالىمەتتەرىنىڭ راستىعىن تەكسەرمەگەن، سونىڭ سالدارىنان 33 پاتەر زاڭسىز جەكەشەلەندىرىلگەن.
"قالا تۇرعىن ءۇي قورىنان زاڭسىز «سىتىپ الىنعان» پاتەرلەردىڭ باسىم بولىگى اقتوبە قالاسىنىڭ «تۇرعىن ءۇي قاتىناستارى ءبولىمى» مم قىزمەتكەرلەرىنىڭ مەنشىگىنە وتكەن"، – دەلىنگەن جاريالانىمدا.
پروكۋراتۋرانىڭ ەسەبىنشە، 33 پاتەردىڭ زاڭسىز جەكەشەلەندىرىلۋىنەن كەلگەن زالال 122 586 779 تەڭگە.
باسىلىم مالىمەتىنشە، مەملەكەتتىك مەنشىك قاتارىنان شىعىپ كەتكەن جىلجىمايتىن مۇلىكتەردىڭ اراسىندا كەزىندە بەرگەي رىسقالييەۆكە تيەسىلى بولعان اقتوبە قالاسىنىڭ ورتالىعىنداعى پاتەر دە بار. اتالعان تۇرعىن ءۇي قاشقىن وليگارحتان سوت ۇكىمىمەن تاركىلەنگەن بولاتىن.
اتىراۋ وبلىسىنىڭ بۇرىنعى اكىمى بەرگەي رىسقالييەۆ قازاقستاننان قاشىپ كەتكەن. ول ۇيىمداسقان قىلمىستىق توپ قۇرعانى ءۇشىن حالىقارالىق ىزدەۋدە ءجۇر جانە 17 جىلعا باس بوستاندىعىنان ايىرىلعان. رىسقالييەۆتەر سوڭعى 12 جىلدان بەرى ۇلىبريتانيادا تۇرادى. ەكس-اكىم بۇل ەلدەن ساياسي باسپانا العان.
