يندۋستريالدى ايماقتاعى جوبالار سانىنىڭ وسۋىنە قاراي، جۇمىس ورىندارىنىڭ سانى بۇدان ءارى دە وسەتىن بولادى. بۇل تۋرالى ق ر پرەمەر-مينيسترىنىڭ ورىنباسارى جەڭىس قاسىمبەكتىڭ الماتى وبلىسىنا جاساعان جۇمىس ساپارى كەزىندە بەلگىلى بولدى.
الماتى وبلىستىق كاسىپكەرلىك جانە يندۋستريالدى يننوۆاسيالىق دامۋ باسقارماسىنىڭ باسشىسى رۋسلان قوجاسبايەۆتىڭ ايتۋىنشا، «بەرەكە» يندۋسترايلدى ايماعىنىڭ جالپى كولەمى 535 گەكتار. ازىرگە ونىڭ اۋماعىندا 8 كاسىپورىن ورنالاسۋدا، ولاردىڭ اراسىندا «Green Land Alatau»، «KazAgroTech»، «نۇر توبە» جىلىجايلارى، «دارحان منم» اياق كيىم فابريكاسى، «مەكادا» قۇرىلىس كومپانياسى سىندى كاسىپورىندار بار.
وسى جوبالار جۇزەگە اسىرىلعاندا 1620 جاڭا جۇمىس ورنى قۇرىلاتىن بولادى.
قازىرگى كەزدە ولارعا جەر ءبولۋ، جوبالاۋ قۇجاتتارىن دايىنداۋ جۇمىستارى جۇرگىزىلۋدە. يندۋستريالدى ايماقتىڭ ينجەنەرلىك جۇيەسىنىڭ قۇرىلىستارىنا الدىن الا ەسەپتەۋ بويىنشا 7،6 ملرد. تەڭگە قاجەت. مەملەكەتتىك ساراپتامادان وتكەننەن كەيىن بۇل سوما ناقتىلاتىن بولادى.
سول سياقتى وسى جەردە ۆيسە-پرەمەرگە «Gate City»جوباسىنىڭ باس جوسپارىنا ەنگىزىلگەن، كەلىسىلگەن تۇزەتۋلەر تۋرالى باياندالدى. اۋماقتاعى جەلىلەردى ەسەپكە العانداعى تۇرعىن ۇيلەر سالۋ كەزەڭدەرى، تۇرعىن اۋدانداردىڭ اۋماعىن اباتتاندىرۋ، جەكە تۇرعىن ۇيلەر سالۋ جونىندە كەڭىنەن ءسوز بولدى.
بولات تاكەنوۆتىڭ ايتۋىنشا، ءوڭىر باسشىسىنا بەرىلگەن تاپسىرماعا سايكەس وڭتۇستىكتەگى ءبىرىنشى قالانىڭ ماگيسترالدىق ينجەنەرلىك جەلىلەرى اياقتالعان. سۋمەن قامتۋ جۇيەسىنىڭ جالعاستىرۋ جەلىلەرى، 202 گكال قۋاتتىلىقتاعى ماگيسترالدى جىلۋ تراسساسى بار سۋ جىلىتۋ قازاندىعى، قوسالقى ستانسالار، 2000 تەكشەلىك سۋ جيناعىش جاسالعان.
سونىمەن قاتار تۇرعىن ۇيلەرگە تارتىلاتىن كوشە ىشىندەگى ينجەنەرلىك جەلىلەردىڭ قۇرىلىسىن جوبالاۋ جۇمىستارى دا بىتكەن. ولاردى سالۋعا رەسپۋبليكالىق بيۋدجەتتەن قارجى بولىنەدى. بۇل ورايدا وبلىس اكىمى وبلىستىق قۇرىلىس باسقارماسىنا الەۋمەتتىك نىسانداردى جوبالاۋ ءىسىن باستاۋدى تاپسىرىلعان. سونىمەن بىرگە اماندىق باتالوۆ تۇرعىن ۇيلەر قۇرىلىسىن باستاۋ جۇمىستارىن قۋزاۋ كەرەكتىگىن ايتتى:
– بىزدە ءقازىر الاڭى 600 مىڭ شارشى مەتر بولاتىن تۇرعىن ۇيلەر قۇرىلىسى ءۇشىن ماگيسترالدىق جەلىلەر دايىن. ءبىرىنشى كەزەگى 300 مىڭ شارشى مەتردى قۇرايدى. تۇرعىن ءۇي ءماسسيۆىنىڭ قۇرىلىسىن باستاۋدى جىلدامداتۋ قاجەت. سەبەبى، وبلىستا ءالى 40 مىڭنان استام ادام ءۇي كەزەگىندە تۇر. اسىرەسە، كوپ بالالى وتباسىلاردى، حالىقتىڭ الەۋمەتتىك ءالجۋاز توپتارىن باسپانامەن قامتۋ قاجەتتىلىگى بار، – دەپ اتاپ ءوتتى وبلىس اكىمى.
بايانداماشىلاردى تىڭداعان ۆيسە-پرەمەر بۇل ماسەلە بويىنشا جاۋاپتى تۇلعالاردىڭ قاتىسۋىمەن ارنايى جيىن وتكىزەتىنىن ايتتى.
بۇدان كەيىن ۇكىمەت باسشىسىنىڭ ورىنباسارى «ماريەۆەن فۋد تيان-شان» زاۋىتىندا دا بولدى.
رەسمي دەلەگاسيا وندىرىستىك سەحتاردى، دايىن ونىمدەر قويماسىن ارالادى. ارالاۋ بارىسىندا كاسىپورىن ديرەكتورى بريكەتتەگى جانە جايماداعى تەز دايىندالاتىن «روللتون» كەسپەسىن، «روللتون-دوماشنيي» سورپاسىن ازىرلەۋ پروسەستەرى تۋرالى ايتىپ بەردى.
ساپار سوڭىندا جەڭىس قاسىمبەك بۇل زاۋىتتى وتكەن جىلى يندۋستريالاندىرۋ كۇنىندە ەلباسى ىسكە قوسقانىن، كاسىپورىننىڭ ورتا ازيادا تەڭدەسى جوق ەكەنىن ەسكە سالدى. زاۋىتقا مەملەكەت تاراپىنان قاجەتتى قولداۋلار جاسالعان. ەڭ باستىسى، مۇندا 370 جۇمىس ورنى قۇرىلعان.
الماتى وبلىسى اكىمىنىڭ باسپا ءسوز قىزمەتى
