بانكتىڭ ۇيىممەن ىنتىماقتاستىعى يننوۆاسيا سالاسىندا جۇمىس ىستەيتىن ايەلدەر ءۇشىن جاڭا مۇمكىندىكتەر اشاتىن بولادى.
Bereke Bank Women in Tech Global ۇيىمىمەن سەرىكتەستىك تۋرالى كەلىسىمگە قول قويدى جانە وساكا قالاسىندا (جاپونيا) وتەتىن «Women in Tech Global» سامميتىنە قاتىساتىن قازاقستاندىق دەلەگاسيانىڭ رەسمي دەمەۋشىسى اتاندى. 60 استام مەملەكەتتىڭ ماماندارى باس قوساتىن سامميتكە قاتىسۋ قازاقستاندىقتاردىڭ تەحنولوگيا سالاسىنداعى جەتىستىكتەرىن كورسەتۋدىڭ بىرەگەي مۇمكىندىگى بولماق.
«Bereke Bank قازاقستاندىق ايەلدەرگە ءبىلىم بەرۋ ارقىلى جانە ولاردىڭ تەحنولوگيالىق جوبالاردى دامىتۋداعى مۇمكىندىكتەرىن كەڭەيتۋ ارقىلى قوعامىمىزدىڭ دامۋىنا ءوز ۇلەسىن قوساتىنىنا سەنىمدى. ءبىزدىڭ قىزدارىمىز وتە تالانتتى جانە ءوز كاسىپكەرلىكتەرىنىڭ جولىندا تابىستى ەكەنى جاسىرىن ەمەس. بۇگىندە ولار ءوز start up جوبالارىن جاساپ، نارىقتاردى باعىندىرۋدا. ءبىز Woman in Techء-تىڭ باستامالارىن قولدايمىز جانە قازاقستاندىق ايەلدەردىڭ دەلەگاسياسىنا تەحنولوگيالارداعى جاھاندىق كوشباسشىلاردىڭ قاتارىنا قوسىلۋعا جانە ءوز جوبالارىن كورسەتۋگە، كوكجيەكتەرىن كەڭەيتۋگە جانە بولاشاق يننوۆاسيالاردى باعىندىرۋدا ۇلكەن سەنىممەن بارۋعا مۇمكىندىك بەرەمىز»، - دەدى ءوز سوزىندە «Bereke Bank» اق باسقارما ءتوراعاسىنىڭ ورىنباسارى الينا انيكينا.
قازاقستاندىق دەلەگاسياعا دەمەۋ بولۋ بۇل ىنتىماقتاستىقتىڭ ءبىرىنشى كەزەڭى عانا، الداعى جوسپارلاردا قىزداردى قارجى، يت-تەحنولوگيالاردا جاڭا داعدىلاردى يگەرۋدەگى جانە سيفرلىق جوبالاردى دامىتۋ باعىتىندا Women in Tech Global قازاقستانمەن بىرىگىپ، جۇمىس جاساۋ.
«ءبىز Bereke Bankء-تى جاڭا سەرىكتەستەرىمىزدىڭ قاتارىندا كورگەنىمىزگە قۋانىشتىمىز. ءبىزدىڭ ىنتىماقتاستىعىمىز – كوپتەگەن ايەلدەردى قازاقستان مەن ورتالىق ازياداعى تەحنولوگيالار مەن يننوۆاسيالاردا تابىسقا جەتۋگە شابىتتاندىرۋ جولىنداعى ميسسيامىزدى ورىنداۋداعى ماڭىزدى قادام»، - دەدى Women in Tech Global-دىڭ نەگىزىن قالاۋشىسى، پرەزيدەنتى جانە باس ديرەكتورى ايۋمي مۋر اوكي.
Women in Tech Global - بۇل گەندەرلىك الشاقتىقتى جويۋعا جانە ايەلدەرگە ءارتۇرلى سالالارعا، سونىڭ ىشىندە: IT-تەحنولوگيالار، قارجى، ينجەنەرلىك جانە عىلىمي سالالارعا قاتىسۋعا ءارى بەلسەندى تۇردە دامۋعا كومەكتەسۋگە باعىتتالعان حالىقارالىق كوممەرسيالىق ەمەس ۇيىم. ۇيىم جۇمىسىنىڭ نەگىزگى باعىتتارى ءبىلىم بەرۋ، بيزنەس، سيفرلىق ينكليۋزيا، تەڭ مۇمكىندىكتەردى قورعاۋ مەن سونى ناسيحاتتاۋ بولىپ تابىلادى.
قازاقستاندىق چاپتەر 2024 جىلعى قىركۇيەكتە اشىلعان. Women in Tech-كە قوسىلۋ ءۇشىن wit-h.com/ پلاتفورماسىندا تىركەلۋ قاجەت
«قازاقستاندىق چاپتار مىقتى كاسىپقوي مامانداردى، تاۋەلسىز جانە تالانتتى ايەل كوشباسشىلاردى دامىتۋعا جانە تاربيەلەۋگە كومەكتەسەدى. ءبىز قازاقستاندىق ايەلدەر جاڭا ءبىلىم مەن داعدىلاردى الاتىن، تاجىريبە الماساتىن جانە باسقا قاتىسۋشىلارمەن بىرلەسكەن جوبالار مەن ىنتىماقتاستىقتار ءۇشىن مۇمكىندىكتەر الاتىن كۇشتى جانە قولداۋشى قوعامداستىق قۇرۋدى جوسپارلاپ وتىرمىز»، - دەپ، ءوز ويىمەن Women in Tech Kazakhstan Chapterء-دىڭ ديرەكتورى اسەم بولاتجان ءبولىستى.
Bereke Bank جاڭا قۇزىرەتتەردى، ءونىمدى ازىرلەۋدىڭ يكەمدى ادىستەرىن دامىتۋعا ايتارلىقتاي كۇش سالاتىنىن جانە نارىقتا العاشقىلاردىڭ ءبىرى بولىپ SAFe وپەراسيالىق مودەلى بويىنشا تولىق جۇمىس ىستەيتىنىن اتاپ وتكەن ءجون. بانك كوپتەگەن باعىتتار بويىنشا سەرتيفيكاتتالعان ساراپشىلارعا يە، ولار ءوز بىلىمدەرىمەن كومپانيا ىشىندە، سونداي-اق نارىقتا دا ءبولىسىپ، جاڭا قۇزىرەتتەردى يگەرۋگە كومەكتەسۋدە.
