شىمكەنت ەكٸمٸنٸڭ ورىنباسارى رۋسلان بەردەنوۆكە تاعى بٸر وتا جاسالادى, دەپ حابارلايدى Dalanews.kz.
بۇل تۋرالى ونىڭ ٶكٸلٸ جەڭٸس تىنىبەك مەلٸمدەدٸ.
ونىڭ ايتۋىنا قاراعاندا, قازٸر رۋسلان بەردەنوۆ الماتىداعى كلينيكالاردىڭ بٸرٸندە ەمدەلٸپ جاتىر. جەڭٸس تىنىبەكتٸڭ سٶزٸنشە, بەردەنوۆكە ەكٸنشٸ وتانى 13 تامىزدا جاساۋ جوسپارلانىپ وتىر.
"بەردەنوۆكە ەرتەڭ وتا جاسالادى. وتا بارىسىندا ونىڭ دەنەسٸندە قالعان مىلتىق بىتىراسى الىنادى", - دەدٸ تىنىبەك Tengrinews.kz-كە.
بۇعان دەيٸنگٸ جاعداي
ەسكە سالايىق, بۇعان دەيٸن رۋسلان بەردەنوۆ سوتقا كەلۋگە مٸندەتتەلگەنٸ حابارلاندى. سوت وتىرىسىندا سۋديا ەبٸنۇر قاراباەۆ رۋسلان بەردەنوۆتٸ 6 تامىزعا جوسپارلانعان نەگٸزگٸ سوت پروتسەسٸنە مٸندەتتٸ تٷردە قاتىسۋعا شاقىردى.
سەبەبٸ رۋسلان بەردەنوۆ الدىن الا تىڭداۋعا ٶزٸ كەلمەگەن ەدٸ. ونىڭ ٶكٸلٸ رۋسلان بەردەنوۆ ەم قابىلداپ جاتقانىن مەلٸمدەدٸ.
ەكٸمدٸك ماڭىنداعى اتىس تۋرالى
21 سەۋٸردە شىمكەنت قالاسى ەكٸمدٸگٸ عيماراتى ماڭىندا اتىس بولدى. سالدارىنان رۋسلان بەردەنوۆ جاراقات الدى. ارتىنشا كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى, بۇل دەرەك بويىنشا قىلمىستىق ٸس قوزعالدى.
بۇل ٸس بويىنشا باستى كٷدٸكتٸ - ەرنار جيەمباي. اشىق فورماتتا ٶتكەن الدىن الا تىڭداۋ كەزٸندە سۋديا جيەمبايدىڭ سوت پروتسەسٸ بارىسىندا ٶزٸن تٷسٸرۋگە قارسى ەكەنٸن جەتكٸزدٸ.
