الماتىدا 10 تامىزدا ءوتۋى ءتيىس امەريكالىق پوپ-جۇلدىز دجەننيفەر لوپەستىڭ كونسەرتى كۇتپەگەن جەردەن قوعام تاراپىنان نارازىلىق ۇشىراۋدا. سەبەبى شەتەلدىك شوۋ قازاق مادەنيەتى مەن رۋحانياتىنىڭ باستى قايراتكەرى اباي قۇنانبايەۆتىڭ تۋعان كۇنىمەن سايما-ساي كەلەدى ەكەن، دەپ حابارلايدى Dalanews.kz.
قوعام بەلسەندىسى ساۋلە ءابىلداحان قىزى Facebook-تەگى پاراقشاسىندا دەپۋتاتتارعا قاراتا، جازبا جاريالادى.
"ەدىل جاڭبىرشين، قازىبەك يسا، رينات زايىتوۆ سىندى دەپۋتتاردى "تەگتەپ"، جازىلعان جازبادا بىلاي دەلىنەدى: ەل سەنەتىن دەپۋتاتتار دەپ وزدەرىڭىزگە ايتامىز: "ابايدىڭ تۋعان كۇنىندە بولاتىن الماتىداعى لگبتشى جەنيشايتاننىڭ كونسەرتىن توقتاتىڭىزدار!!! اناۋ ۇيىمداستىرۋشى ماڭگۇرت ساتقىنداردان حالىقتىڭ كوكەيىندەگى ساۋالدارعا جاۋاپ، ەسەپ الىڭىزدار!!!" (جازبا وزگەرىسسىز، سول كۇيىندە بەرىلدى – رەد.)".
بۇل جازبا جەلىدە بىردەن رەزونانس تۋدىرىپ، كوپتەگەن پىكىر جينادى. ونىڭ باسىم بولىگى "ۇلى اتامىزدىڭ باسىن سىيلامادى" دەگەنگە سايادى. سونىڭ بىرىنەن تاعى ءبىر مىسال:
"ەلىمىزدىڭ ەسەرلەرى دجەنيفەر لوپەس قازاقستاندى الەمگە تانىتتى، تۋريزم داميتىن بولدى دەپ جارىسا جازۋدا. ەگەمەندى ەلىنىڭ وتكەنىنەن الىس، حالقىنىڭ قۇندى دەرەكتەرىن بىلمەيتىن اڭگۇدىك ەركەك تە، ايەل دە قارا ەسەككە تەرىس ءمىنىپ الىپ، انشىگە كەرى پىكىر جازعاندارعا ءتىل تيگىزۋدە. اعىلشىندار ەلىمىزدىڭ قازبا بايلىقتارىن زەرتتەگەنىن، قانىش ساتپايەۆ. لوندون ساپارىندا. ۇلىبريتانيانىڭ بۇرىنعى پرەمەر - ءمينيسترى ۋينستون چەرچيللمەن كەزدەسكەندە، لوندون مۇراجايىنداعى قارساقپايدىڭ مىسىن تانىعاندىعىن ءبىلىپ وتىرعان چەرچيلل: “و و و! قازاقتاردىڭ بارلىعى سىزدەي ادەمى، بيىك پە؟“ - دەپ سۇراعاندا، ق. ساتپايەۆ: “مەنىڭ حالقىم مەنەن الدەقايدا بيىك!”- دەپ جاۋاپ بەرگەنىن، جەزقازعان مىسى لوندون بيرجاسىندا 999 دەگەن نومەرمەن تىركەلگەنىن، سول جالدامالى جازعىشتار بىلە مە ەكەن؟! بايقوڭىردىڭ عارىشقا ۇشار قاقپا ەكەنىمەن دە شەتەلدىكتەر تانىس. الەم تانىعان ديماش ءتىلىمىز بەن ۇلتتىق ءداستۇرىمىزدى ۇلىقتاپ، ەش كونسەرتتە ءتانىن جالاڭاشتاعان جوق. اۋىزدارىنان سىلەكەيى اعىپ، ل. لوپەستى ماقتانىشىنا اينالدىرىپ وتىرعان قازاقتار بيىل ول ايەلدىڭ ەگيپەتتەگى كونسەرتتە اۋەلى كۋپالنيكپەن، سوسىن تەك ۇزىن كويلەكپەن ساحناعا شىققانىن بىلە مە ەكەن؟! ەگيپەتتىكتەردى سىيلاپ كويلەكپەن ءان ايتىپ، بىزدىكىلەرگە @ءتىن كورسەتكەنىنە نامىسسىزدار ءدان ريزا. دەنەسىنىڭ قۇلىن مۇشەسى بۇزىلماعان دەپ تامسانادى: قارىندارى مۇرنىنا جەتىپ، ارتقى جاعى قاي جىنىستىكى ەكەندىگىن بىلمەيتىن كۇيگە وزدەرى دە، ايەلدەرى دە جەتكەنىنە كىم كىنالى؟! ۇلتتىق قۇندىلىقتاردى ءوز ازاماتتارىمىز قادىرلەمەيىنشە، ەلىمىزدىڭ وركەنى وسپەيدى. 180 - 250 مىڭ تەڭگەگە لوپەستىڭ ىشكيىم ىشىندەگى ەكى ءارىپىن الىستان كورگەنىنە شاتتانىپ وتىرعان قازاقتار ۇلى اباي قورىنا نە جەتىمدەر ۇيىنە 180 - 200 تەڭگە اۋداردى ما ەكەن؟! قازاقتاردى اباي - لەرمونتوۆ - گەتە ارقىلى ەۆروپا حالقى اتام زاماندا تانىعان. لوپەس دۇنيەجۇزىلىك تۋرنەسى ارقىلى قارجىنى قالتاسىنا سالىپ، ەشبىر بالالار ۇيىنە قايىرىمدىلىق جاساماستان، ءارى قاراي كەتتى. وزگە ۇلتتىڭ ەشقايسىسى ونى دارىپتەگەن جوق. ايتىسىپ جاتقان - قازاقتار. اباي: “قالىڭ ەلىم، قازاعىم، قايران جۇرتىم، ۇستاراسىز اۋزىڭا ءتۇستى مۇرتىڭ. جاقسى مەنەن جاماندى ايىرمادىڭ، ءبىرى - قان، ءبىرى ماي بوپ ەكى ۇرتىڭ” - دەپ، قالاي دۇرىس ايتقان…"، دەپ جازادى اتالعان جازبانىڭ پىكىرلەر بولىگىندە Svetlana Tulubekova.
كونسەرتتى ۇيىمداستىرۋشىلار، ازىرگە ءۇنسىز. شوۋدىڭ بيلەتتەرى ەش كەدەرگىسىز ساتىلىپ جاتىر، باستىسى، كىم نە دەسە ول دەسىن، دجەي لونىڭ جانكۇيەرلەرى 10 تامىزدى اسىعا كۇتۋدە.
ايتا كەتسەك، دجەننيفەر لوپەستىڭ ساحنالىق كوستيۋمدەرى جايلى پىكىر بىلدىرگەن استانا ءماسليحاتىنىڭ دەپۋتاتى ساۋلە ساميدين قوعامنىڭ قىزۋ تالقىسىنا تۇسكەن بولاتىن.
