Almatyda 10 tamyzda ótýi tiis amerikalyq pop-juldyz Djennifer Lopestiń kontserti kútpegen jerden qoǵam tarapynan narazylyq ushyraýda. Sebebi sheteldik shoý qazaq mádenieti men rýhaniiatynyń basty qairatkeri Abai Qunanbaevtyń týǵan kúnimen saima-sai keledi eken, dep habarlaidy Dalanews.kz.
Qoǵam belsendisi Sáýle Ábildahanqyzy Facebook-tegi paraqshasynda depýtattarǵa qarata, jazba jariialady.
"Edil Jańbyrshin, Qazybek Isa, Rinat Zaiytov syndy depýttardy "tegtep", jazylǵan jazbada bylai delinedi: El senetin depýtattar dep ózderińizge aitamyz: "Abaidyń týǵan kúninde bolatyn Almatydaǵy lgbtshy jenishaitannyń kontsertin toqtatyńyzdar!!! Anaý uiymdastyrýshy máńgúrt satqyndardan halyqtyń kókeiindegi saýaldarǵa jaýap, esep alyńyzdar!!!" (jazba ózgerissiz, sol kúiinde berildi – red.)".
Bul jazba jelide birden rezonans týdyryp, kóptegen pikir jinady. Onyń basym bóligi "Uly atamyzdyń basyn syilamady" degenge saiady. Sonyń birinen taǵy bir mysal:
"Elimizdiń eserleri Djenifer Lopes Qazaqstandy álemge tanytty, týrizm damityn boldy dep jarysa jazýda. Egemendi eliniń ótkeninen alys, halqynyń qundy derekterin bilmeitin áńgúdik erkek te, áiel de qara esekke teris minip alyp, ánshige keri pikir jazǵandarǵa til tigizýde. Aǵylshyndar elimizdiń qazba bailyqtaryn zerttegenin, Qanysh Sátpaev. London saparynda. Ulybritaniianyń burynǵy premer - ministri Ýinston Cherchillmen kezdeskende, London murajaiyndaǵy Qarsaqpaidyń mysyn tanyǵandyǵyn bilip otyrǵan Cherchill: “O O O! Qazaqtardyń barlyǵy Sizdei ádemi, biik pe?“ - dep suraǵanda, Q. Sátpaev: “Meniń halqym menen áldeqaida biik!”- dep jaýap bergenin, Jezqazǵan mysy London birjasynda 999 degen nomermen tirkelgenin, sol jaldamaly jazǵyshtar bile me eken?! Baiqońyrdyń ǵaryshqa ushar qaqpa ekenimen de sheteldikter tanys. Álem tanyǵan Dimash tilimiz ben ulttyq dástúrimizdi ulyqtap, esh kontsertte tánin jalańashtaǵan joq. Aýyzdarynan silekeii aǵyp, L. Lopesti maqtanyshyna ainaldyryp otyrǵan qazaqtar biyl ol áieldiń Egipettegi kontsertte áýeli kýpalnikpen, sosyn tek uzyn kóilekpen sahnaǵa shyqqanyn bile me eken?! Egipettikterdi syilap kóilekpen án aityp, bizdikilerge @tin kórsetkenine namyssyzdar dán riza. Denesiniń qulyn múshesi buzylmaǵan dep tamsanady: qaryndary murnyna jetip, artqy jaǵy qai jynystiki ekendigin bilmeitin kúige ózderi de, áielderi de jetkenine kim kináli?! Ulttyq qundylyqtardy óz azamattarymyz qadirlemeiinshe, elimizdiń órkeni óspeidi. 180 - 250 myń teńgege Lopestiń ishkiim ishindegi eki áripin alystan kórgenine shattanyp otyrǵan qazaqtar ULY ABAI qoryna ne jetimder úiine 180 - 200 teńge aýdardy ma eken?! Qazaqtardy ABAI - LERMONTOV - GETE arqyly Evropa halqy atam zamanda tanyǵan. Lopes dúniejúzilik týrnesi arqyly qarjyny qaltasyna salyp, eshbir balalar úiine qaiyrymdylyq jasamastan, ári qarai ketti. Ózge ulttyń eshqaisysy ony dáriptegen joq. Aitysyp jatqan - qazaqtar. Abai: “Qalyń elim, qazaǵym, qairan jurtym, Ustarasyz aýzyńa tústi murtyń. Jaqsy menen jamandy aiyrmadyń, Biri - qan, biri mai bop eki urtyń” - dep, qalai durys aitqan…", dep jazady atalǵan jazbanyń pikirler bóliginde Svetlana Tulubekova.
Kontsertti uiymdastyrýshylar, ázirge únsiz. Shoýdyń biletteri esh kedergisiz satylyp jatyr, bastysy, kim ne dese ol desin, Djei Lonyń jankúierleri 10 tamyzdy asyǵa kútýde.
Aita ketsek, Djennifer Lopestiń sahnalyq kostiýmderi jaily pikir bildirgen Astana máslihatynyń depýtaty Sáýle Samidin qoǵamnyń qyzý talqysyna túsken bolatyn.
