جاستار ساياساتىنىڭ باستى مٸندەتتەرٸنٸڭ بٸرٸ – ٶسكەلەڭ ۇرپاقتى ەڭبەككە باۋلۋ, ازاماتتىق جاۋاپكەرشٸلٸگٸن ارتتىرۋ جەنە قوعام ٶمٸرٸنە بەلسەندٸ ارالاسۋىنا جاعداي جاساۋ. وسى باعىتتا ەلٸمٸزدە جٷزەگە اسىرىلىپ كەلە جاتقان تيٸمدٸ جوبالاردىڭ بٸرٸ – «جاسىل ەل» جاستار ەڭبەك جاساقتارى, دەپ حابارلايدى dalanews.kz.
الماتى وبلىسى جاستار ساياساتى باسقارماسىنىڭ بٶلٸم باسشىسى ايىم ابايقىزىنىڭ ايتۋىنشا, بيىل «جاسىل ەل» باعدارلاماسىنىڭ باستاۋ العانىنا 21 جىل تولىپ وتىر.
– وسىدان تۋرا 21 جىل بۇرىن ەلٸمٸز بويىنشا «جاسىل ەل» جاستار ەڭبەك جاساقتارىنىڭ نەگٸزٸ قالاندى. باعدارلامانىڭ نەگٸزگٸ ماقساتى – جازعى دەمالىس كەزٸندە وقۋشىلار مەن ستۋدەنتتەردٸ ماۋسىمدىق جۇمىسپەن قامتۋ, ولاردى قورشاعان ورتانى قورعاۋ, كٶگالداندىرۋ جەنە اباتتاندىرۋ جۇمىستارىنا تارتۋ ارقىلى ەڭبەككە باۋلۋ, – دەيدٸ ول.
وسى ۋاقىت ٸشٸندە جوبا مىڭداعان جاستىڭ باسىن بٸرٸكتٸرگەن اۋقىمدى قوزعالىسقا اينالدى. باعدارلاماعا قاتىسقان جاستار تۋعان ٶلكەسٸنٸڭ كٶركەيۋٸنە ٷلەس قوسىپ قانا قويماي, پاتريوتتىق رۋحىن شىڭداپ, العاشقى ەڭبەك تەجٸريبەسٸن جيناقتادى.
– ٶتكەن 20 جىل ٸشٸندە شاعىن باستاما ٷلكەن قوعامدىق قوزعالىسقا اينالىپ, ٶزٸنٸڭ ٶمٸرشەڭدٸگٸن دەلەلدەدٸ. جاستار مىڭداعان كٶشەت وتىرعىزىپ, تابيعاتتى قالپىنا كەلتٸرۋگە اتسالىستى. سونىمەن قاتار العاشقى ەڭبەكاقىسىن الىپ, جاڭا دوستار تاۋىپ, ٷلكەن ٶمٸرگە قادام باستى, – دەيدٸ مامان.
بٷگٸندە باعدارلاماعا 14 جاستان باستاپ 35 جاسقا دەيٸنگٸ ازاماتتار قاتىسا الادى. جوبا جاستاردى ەڭبەككە باۋلۋمەن قاتار, ولاردىڭ ەلەۋمەتتٸك بەلسەندٸلٸگٸن ارتتىرۋعا مٷمكٸندٸك بەرەدٸ.
– «جاسىل ەل» باعدارلاماسىنا 14 جاسقا تولعان جاسٶسپٸرٸمدەر اتا-اناسىنىڭ رۇقساتىمەن قاتىسا الادى. جوبا اياسىندا جاستار ارنايى جۇمىس كيٸمدەرٸمەن قامتاماسىز ەتٸلٸپ, ەڭبەكاقى الادى. بيىل ەلٸمٸز بويىنشا 34 مىڭنان استام جاستى ەڭبەك جاساقتارىنا تارتۋ جوسپارلانىپ وتىر, – دەيدٸ ايىم ابايقىزى.
الماتى وبلىسىندا دا بۇل باعىتتاعى جۇمىستار جٷيەلٸ تٷردە جٷرگٸزٸلۋدە. سوڭعى ٷش جىلدا جىل سايىن مىڭعا جۋىق جاس «جاسىل ەل» قاتارىنا قابىلدانىپ, ٶڭٸردٸڭ ەكولوگييالىق جاعدايىن جاقسارتۋعا ٶز ٷلەسٸن قوسىپ كەلەدٸ. قاتىسۋشىلاردىڭ باسىم بٶلٸگٸن اۋىل جاستارى قۇرايدى.
ماماننىڭ ايتۋىنشا, قازٸرگٸ جاستار ساياساتى تەك جۇمىسپەن قامتۋمەن شەكتەلمەيدٸ. باستى ماقسات – بەلسەندٸ, جاۋاپتى جەنە قوعامعا بەيجاي قارامايتىن جاس بۋىندى قالىپتاستىرۋ.
– مەملەكەت باسشىسى باستاماشىلىق ەتكەن «تازا قازاقستان» باعدارلاماسىنان كەيٸن «جاسىل ەل» ساربازدارىنىڭ قىزمەتٸ جاڭا دەڭگەيگە كٶتەرٸلدٸ. بٷگٸندە جاستار ماۋسىمدىق جۇمىستارمەن قاتار, جىل بويى ۆولونتەرلٸك نەگٸزدە ەكولوگييالىق مەدەنيەتتٸ قالىپتاستىرۋعا اتسالىسىپ كەلەدٸ. ولار تۇرعىنداردى تابيعاتتى قورعاۋعا, تازالىق ساقتاۋعا جەنە قورشاعان ورتاعا جاۋاپكەرشٸلٸكپەن قاراۋعا شاقىرادى, – دەيدٸ ول.
ونىڭ پٸكٸرٸنشە, بەلسەندٸ جاستاردى تەربيەلەۋدٸڭ ماڭىزدى باعىتتارىنىڭ بٸرٸ – ەكولوگييالىق مەدەنيەتتٸ قالىپتاستىرۋ.
– ەكولوگييالىق مەدەنيەت دەگەنٸمٸز – تازالىقتى ٶزٸڭنەن باستاۋ. ٶز ٷيٸڭدٸ, ٶز اۋلاڭدى تازا ۇستاۋ, قوعامدىق ورىنداردا قوقىس قالدىرماۋ, تابيعاتقا ۇقىپتى قاراۋ. مۇنداي داعدىلار بالا كەزدەن قالىپتاسۋى كەرەك. سوندىقتان جاستاردىڭ ەكولوگييالىق ساۋاتتىلىعىن ارتتىرۋ – بٷگٸنگٸ كٷننٸڭ ماڭىزدى مٸندەتتەرٸنٸڭ بٸرٸ, – دەيدٸ بٶلٸم باسشىسى.
بۇل باعىتتا الماتى وبلىسىندا بٸرقاتار جوبالار جٷزەگە اسىرىلۋدا. سونىڭ بٸرٸ – «ٶز اعاشىڭدى ٶسٸر» اكتسيياسى.
– الماتى وبلىسى ەكٸمٸنٸڭ باستاماسىمەن سوڭعى ەكٸ جىلدا ٶڭٸردەگٸ 400-دەن استام مەكتەپتە «ٶز اعاشىڭدى ٶسٸر» اكتسيياسى ٶتكٸزٸلٸپ كەلەدٸ. جوبانىڭ ەرەكشەلٸگٸ – بالالار دايىن كٶشەت وتىرعىزىپ قانا قويماي, دەننەن باستاپ ٶز اعاشىن ٶسٸرٸپ, كٷتٸپ-باپتايدى. بۇل ولاردىڭ تابيعاتقا دەگەن جاۋاپكەرشٸلٸگٸن ارتتىرادى, – دەيدٸ ايىم ابايقىزى.
مامانداردىڭ پٸكٸرٸنشە, جاستاردىڭ قوعامدىق باستامالارعا بەلسەندٸ قاتىسۋى ولاردىڭ ازاماتتىق ۇستانىمىن قالىپتاستىرىپ, كٶشباسشىلىق قاسيەتتەرٸن دامىتۋعا ىقپال ەتەدٸ. سوندىقتان جاستار ساياساتىنىڭ باستى باعىتى – بەلسەندٸ, باستاماشىل ەرٸ جاۋاپتى ۇرپاق تەربيەلەۋ بولىپ قالا بەرمەك.
