Jastar saiasatynyń basty mindetteriniń biri – óskeleń urpaqty eńbekke baýlý, azamattyq jaýapkershiligin arttyrý jáne qoǵam ómirine belsendi aralasýyna jaǵdai jasaý. Osy baǵytta elimizde júzege asyrylyp kele jatqan tiimdi jobalardyń biri – «Jasyl el» jastar eńbek jasaqtary, dep habarlaidy dalanews.kz.
Almaty oblysy jastar saiasaty basqarmasynyń bólim basshysy Aiym Abaiqyzynyń aitýynsha, biyl «Jasyl el» baǵdarlamasynyń bastaý alǵanyna 21 jyl tolyp otyr.
– Osydan týra 21 jyl buryn elimiz boiynsha «Jasyl el» jastar eńbek jasaqtarynyń negizi qalandy. Baǵdarlamanyń negizgi maqsaty – jazǵy demalys kezinde oqýshylar men stýdentterdi maýsymdyq jumyspen qamtý, olardy qorshaǵan ortany qorǵaý, kógaldandyrý jáne abattandyrý jumystaryna tartý arqyly eńbekke baýlý, – deidi ol.
Osy ýaqyt ishinde joba myńdaǵan jastyń basyn biriktirgen aýqymdy qozǵalysqa ainaldy. Baǵdarlamaǵa qatysqan jastar týǵan ólkesiniń kórkeiýine úles qosyp qana qoimai, patriottyq rýhyn shyńdap, alǵashqy eńbek tájiribesin jinaqtady.
– Ótken 20 jyl ishinde shaǵyn bastama úlken qoǵamdyq qozǵalysqa ainalyp, óziniń ómirsheńdigin dáleldedi. Jastar myńdaǵan kóshet otyrǵyzyp, tabiǵatty qalpyna keltirýge atsalysty. Sonymen qatar alǵashqy eńbekaqysyn alyp, jańa dostar taýyp, úlken ómirge qadam basty, – deidi maman.
Búginde baǵdarlamaǵa 14 jastan bastap 35 jasqa deiingi azamattar qatysa alady. Joba jastardy eńbekke baýlýmen qatar, olardyń áleýmettik belsendiligin arttyrýǵa múmkindik beredi.
– «Jasyl el» baǵdarlamasyna 14 jasqa tolǵan jasóspirimder ata-anasynyń ruqsatymen qatysa alady. Joba aiasynda jastar arnaiy jumys kiimderimen qamtamasyz etilip, eńbekaqy alady. Biyl elimiz boiynsha 34 myńnan astam jasty eńbek jasaqtaryna tartý josparlanyp otyr, – deidi Aiym Abaiqyzy.
Almaty oblysynda da bul baǵyttaǵy jumystar júieli túrde júrgizilýde. Sońǵy úsh jylda jyl saiyn myńǵa jýyq jas «Jasyl el» qataryna qabyldanyp, óńirdiń ekologiialyq jaǵdaiyn jaqsartýǵa óz úlesin qosyp keledi. Qatysýshylardyń basym bóligin aýyl jastary quraidy.
Mamannyń aitýynsha, qazirgi jastar saiasaty tek jumyspen qamtýmen shektelmeidi. Basty maqsat – belsendi, jaýapty jáne qoǵamǵa beijai qaramaityn jas býyndy qalyptastyrý.
– Memleket basshysy bastamashylyq etken «Taza Qazaqstan» baǵdarlamasynan keiin «Jasyl el» sarbazdarynyń qyzmeti jańa deńgeige kóterildi. Búginde jastar maýsymdyq jumystarmen qatar, jyl boiy volonterlik negizde ekologiialyq mádenietti qalyptastyrýǵa atsalysyp keledi. Olar turǵyndardy tabiǵatty qorǵaýǵa, tazalyq saqtaýǵa jáne qorshaǵan ortaǵa jaýapkershilikpen qaraýǵa shaqyrady, – deidi ol.
Onyń pikirinshe, belsendi jastardy tárbieleýdiń mańyzdy baǵyttarynyń biri – ekologiialyq mádenietti qalyptastyrý.
– Ekologiialyq mádeniet degenimiz – tazalyqty ózińnen bastaý. Óz úiińdi, óz aýlańdy taza ustaý, qoǵamdyq oryndarda qoqys qaldyrmaý, tabiǵatqa uqypty qaraý. Mundai daǵdylar bala kezden qalyptasýy kerek. Sondyqtan jastardyń ekologiialyq saýattylyǵyn arttyrý – búgingi kúnniń mańyzdy mindetteriniń biri, – deidi bólim basshysy.
Bul baǵytta Almaty oblysynda birqatar jobalar júzege asyrylýda. Sonyń biri – «Óz aǵashyńdy ósir» aktsiiasy.
– Almaty oblysy ákiminiń bastamasymen sońǵy eki jylda óńirdegi 400-den astam mektepte «Óz aǵashyńdy ósir» aktsiiasy ótkizilip keledi. Jobanyń ereksheligi – balalar daiyn kóshet otyrǵyzyp qana qoimai, dánnen bastap óz aǵashyn ósirip, kútip-baptaidy. Bul olardyń tabiǵatqa degen jaýapkershiligin arttyrady, – deidi Aiym Abaiqyzy.
Mamandardyń pikirinshe, jastardyń qoǵamdyq bastamalarǵa belsendi qatysýy olardyń azamattyq ustanymyn qalyptastyryp, kóshbasshylyq qasietterin damytýǵa yqpal etedi. Sondyqtan jastar saiasatynyń basty baǵyty – belsendi, bastamashyl ári jaýapty urpaq tárbieleý bolyp qala bermek.
