پرەمەر-مينيستر ولجاس بەكتەنوۆ پارلامەنت پالاتالارىنىڭ بىرلەسكەن وتىرىسىندا ەكونوميكانىڭ دامۋى تۋرالى سۇراقتارعا جاۋاپ بەردى، دەپ حابارلايدى Dalanews.kz.
ۇكىمەت پرەزيدەنت قويعان مىندەتتەردى ەسكەرە وتىرىپ، جوسپارلى جۇمىس جۇرگىزۋدە.
"مەملەكەت ءوز مىندەتتەمەلەرىن تولىق كولەمدە ورىنداپ جاتىر، ورىندايدى دا. بۇعان ەشقانداي كۇمان جوق. جالپى ەكونوميكالىق احۋال تۇراقتى. ءبىراق ءسىز ايتىپ وتكەن ماسەلەلەر جوق ەمەس. ول وزدەرىڭىز بىلەتىندەي، ءبىر كۇندە پايدا بولعان پروبلەمالار ەمەس. بىرنەشە جىلدار بويى قالىپتاسىپ جاتقان ماسەلەلەر. ۇكىمەت قازىرگى تاڭدا ونىڭ ءبارىن شەشۋ ءۇشىن بەلسەندى جۇمىس اتقارىپ جاتىر. وسى جۋىردا عانا جاڭا سالىق كودەكسى قابىلداندى. بۇگىنگى مۇمكىندىكتى پايدالانا وتىرىپ، كونسترۋكتيۆتى ورتاق جۇمىس ءۇشىن دەپۋتاتتىق كورپۋسقا العىسىمدى بىلدىرەمىن"، - دەدى ولجاس بەكتەنوۆ.
ۇكىمەت پارلامەنتپەن بىرلەسىپ، ەلىمىزدىڭ فيسكالدىق ساياساتىن ايقىندايتىن جاڭا بيۋدجەت جانە سالىق كودەكستەرىن قابىلدادى. ولار ستراتەگيالىق جانە بيۋدجەتتىك جوسپارلاۋدى، اقشا-نەسيە جانە سالالىق ساياساتتى بايلانىستىرادى، سونداي-اق ۇلتتىق دامۋ جوسپارىمەن ينتەگراسيانى قامتاماسىز ەتەدى.
سونىمەن قاتار، ۇكىمەت باسشىسى ولجاس بەكتەنوۆ جاڭا سالىق كودەكسىنىڭ ارقاسىندا بيۋدجەتكە 2026 جىلى 3 ترلن تەڭگەدەن استام كىرىس تۇسەتىنىن مالىمدەدى.
