Premer-ministr Oljas Bektenov Parlament palatalarynyń birlesken otyrysynda ekonomikanyń damýy týraly suraqtarǵa jaýap berdi, dep habarlaidy Dalanews.kz.
Úkimet Prezident qoiǵan mindetterdi eskere otyryp, josparly jumys júrgizýde.
"Memleket óz mindettemelerin tolyq kólemde oryndap jatyr, oryndaidy da. Buǵan eshqandai kúmán joq. Jalpy ekonomikalyq ahýal turaqty. Biraq siz aityp ótken máseleler joq emes. Ol ózderińiz biletindei, bir kúnde paida bolǵan problemalar emes. Birneshe jyldar boiy qalyptasyp jatqan máseleler. Úkimet qazirgi tańda onyń bárin sheshý úshin belsendi jumys atqaryp jatyr. Osy jýyrda ǵana jańa Salyq kodeksi qabyldandy. Búgingi múmkindikti paidalana otyryp, konstrýktivti ortaq jumys úshin depýtattyq korpýsqa alǵysymdy bildiremin", - dedi Oljas Bektenov.
Úkimet Parlamentpen birlesip, elimizdiń fiskaldyq saiasatyn aiqyndaityn jańa Biýdjet jáne Salyq kodeksterin qabyldady. Olar strategiialyq jáne biýdjettik josparlaýdy, aqsha-nesie jáne salalyq saiasatty bailanystyrady, sondai-aq ulttyq damý josparymen integratsiiany qamtamasyz etedi.
Sonymen qatar, Úkimet basshysy Oljas Bektenov jańa salyq kodeksiniń arqasynda biýdjetke 2026 jyly 3 trln teńgeden astam kiris túsetinin málimdedi.
