قازاقستان رەسپۋبليكاسىنىڭ پرەمەر-مينيسترٸ ولجاس بەكتەنوۆ شولپان-اتا قالاسىندا (قىرعىزستان) قىرعىز رەسپۋبليكاسىنىڭ پرەزيدەنتٸ سادىر جاپاروۆتىڭ ەۋرازييالىق ٷكٸمەتارالىق كەڭەس دەلەگاتسييالارى باسشىلارىمەن ۇجىمدىق كەزدەسۋٸنە جەنە كەڭەيتٸلگەن ەٷاك وتىرىسىنا قاتىستى, دەپ حابارلايدى Dalanews.kz.
كەزدەسۋ بارىسىندا ەاەو ەلدەرٸنٸڭ ەكونوميكالىق ەلەۋەتٸن نىعايتۋ, حالىقتىڭ ٶمٸر سٷرۋ دەڭگەيٸن جاقسارتۋ, ٶزارا ساۋدانى دامىتۋ, وداق نارىعىنداعى كەدەرگٸلەردٸ جويۋعا جەنە باسقا دا مەسەلەلەرگە نازار اۋدارىلدى.
ەٷاك كەڭەيتٸلگەن قۇرامداعى وتىرىسىنا بەلارۋس رەسپۋبليكاسىنىڭ پرەمەر-مينيسترٸ الەكساندر تۋرچين, قىرعىزستان مينيسترلەر كابينەتٸنٸڭ تٶراعاسى – قىرعىز رەسپۋبليكاسى پرەزيدەنتٸ ەكٸمشٸلٸگٸنٸڭ باسشىسى ادىلبەك قاسىماليەۆ, رەسەي فەدەراتسيياسى ٷكٸمەتٸنٸڭ تٶراعاسى ميحايل ميشۋستين, ارمەنييا رەسپۋبليكاسىنىڭ ۆيتسە-پرەمەرٸ مگەر گريگوريان, باقىلاۋشى ەلدەردەن – يران رەسپۋبليكاسىنىڭ بٸرٸنشٸ ۆيتسە-پرەزيدەنتٸ مۇحاممەد-رەزا ارەف, ٶزبەكستان رەسپۋبليكاسىنىڭ پرەمەر-مينيسترٸ ابدۋللا اريپوۆ, كۋبا رەسپۋبليكاسىنىڭ پرەمەر-مينيسترٸ مانۋەل ماررەرو كرۋز (بەينەكونفەرەنتسييا ارقىلى), سونداي-اق ەۋرازييالىق ەكونوميكالىق كوميسسييا القاسىنىڭ تٶراعاسى باقىتجان ساعىنتاەۆ قاتىستى.
ساۋدا-ەكونوميكالىق, كٶلٸك-لوگيستيكالىق, مۇناي-گاز جەنە تسيفرلىق سالالار, سونداي-اق كەدەندٸك جەنە بيرجا قىزمەتٸ, مەديتسينا مەن فارماتسەۆتيكا, ەڭبەك نارىعى جەنە باسقا دا سالالارداعى ٶزارا ٸس-قيمىل قارالدى.
قازاقستان پرەمەر-مينيسترٸ ٶز سٶزٸندە ىنتىماقتاستىقتى دامىتۋدىڭ باسىم باعىتتارىن اتاپ ٶتتٸ. ٶزارا ساۋدانى دامىتۋعا جەنە سىرتقى ەكونوميكالىق بايلانىستاردى ارتتىرۋ جٶنٸندەگٸ بٸرلەسكەن شارالارعا نازار اۋدارىلدى. جەتكٸزۋشٸلەردٸڭ مەملەكەتتٸك ساتىپ الۋلارعا تەڭ قولجەتٸمدٸلٸگٸن قامتاماسىز ەتۋ مەسەلەلەرٸنە دە باسا نازار اۋدارىلدى.
"كەيبٸر جاعدايلاردا ەاەو-عا مٷشە مەملەكەتتەردٸڭ تەرريتوريياسى بويىنشا كەدەرگٸسٸز ترانزيت قامتاماسىز ەتٸلمەي جاتادى", – دەدٸ بۇل رەتتە بەكتەنوۆ.
سونداي-اق ول مەملەكەتتٸك ساتىپ الۋلار تۋرالى سٶز بولعاندا, وداق ەلدەرٸ ورتاق تەرتٸپتەن اينالىپ, ٶزگە ەلدەردٸڭ تاسىمالداۋشىلارى ٷشٸن ورىندالۋى قيىن تالاپتاردى العا تارتىپ شىعا كەلەتٸنٸن دە ايتتى. مۇنداي جاعداي 2020 جىلى مەملەكەتتٸك ساتىپ الۋلاردا ۇلتتىق رەجيمدٸ قامتاماسىز ەتۋگە ارنالعان تەرتٸپتٸڭ قابىلدانعانىنا قاراماستان ورىن الۋدا.
"ەرٸپتەستەر, بۇل وداقتى قۇرا وتىرىپ, بٸز تاۋارلار, قىزمەتتەر مەن كاپيتالداردىڭ ەركٸن قوزعالىسىن قامتاماسىز ەتۋدٸ ماقسات ەتكەن ەدٸك قوي", – دەپ ناقتىلادى بەكتەنوۆ.
سونداي-اق ٷكٸمەت باسشىسى وسىنداي كەدەرگٸلەر مەن شەكتەۋلەردٸ جويۋ جٶنٸندەگٸ جۇمىستاردى جالعاستىرۋدى ۇسىندى.
كٶلٸك جەنە لوگيستيكا سالاسىندا ٶڭٸردٸڭ بارلىق مەملەكەتتٸڭ مٷددەلەرٸن ەسكەرە وتىرىپ, بالامالى باعىتتار قۇرۋدىڭ ٶزەكتٸلٸگٸ ايقىندالدى. بٷگٸنگٸ تاڭدا كەلەشەگٸ زور كٶلٸك باعىتتارىنىڭ بٸرٸ – ٶتكٸزۋ قابٸلەتٸ 10 ملن تونناعا دەيٸن جٷكتٸ قۇرايتىن "تۋرگۋندي-گەرات" تەمٸرجولى جوباسى.
ساۋدا اعىندارىنىڭ تۇراقتى ٶسۋٸن جەنە ەرتاراپتاندىرىلۋىن قامتاماسىز ەتۋ ٷشٸن ەاەو-نىڭ ٷشٸنشٸ ەلدەر مەن ۇيىمدار اراسىنداعى ىنتىماقتاستىعىن كەڭەيتۋ ماڭىزدى. قازاقستان ەر تٷرلٸ فورماتتاعى سەرٸكتەستەرمەن ٶزارا ٸس-قيمىلدى تەرەڭدەتۋدٸ جاقتايدى.
جيىن بارىسىندا قاتىسۋشىلار گاز, مۇناي, مۇناي ٶنٸمدەرٸنٸڭ ورتاق نارىقتارىن, سونداي-اق تاۋارلاردىڭ بيرجا نارىعىن قالىپتاستىرۋعا قاتىستى باياندامالاردى تىڭدادى. بيرجالىق ساۋدا-ساتتىقتى دامىتۋ باعدارلاماسى بەكٸتٸلٸپ, دەرٸلٸك زاتتار مەن مەديتسينالىق بۇيىمداردىڭ ورتاق نارىعىن دامىتۋ تۇجىرىمداماسى ماقۇلداندى. بۇل قۇجاتتاردى ٸسكە اسىرۋ ەاەو شەڭبەرٸندە ەرٸپتەس ەلدەردٸڭ ساپالى ەرٸ قاۋٸپسٸز ٶنٸمٸن قامتاماسىز ەتۋگە باعىتتالعان.
قاتىسۋشىلار كليماتتىق كٷن تەرتٸبٸن ٸسكە اسىرۋ, كٶلٸك دەلٸزدەرٸن تسيفرلاندىرۋ, ەڭبەك نارىعىنداعى بٸلٸكتٸلٸك تالاپتارىنىڭ جاقىنداسۋى جەنە باسقا دا مەسەلەلەرگە قاتىستى پٸكٸر الماستى. كەزدەسۋ قورىتىندىسى بويىنشا 10 قۇجاتقا قول قويىلدى.
ەٷاك-تىڭ كەلەسٸ وتىرىسى بيىلعى 29-30 قىركٷيەكتە مينسك قالاسىندا (بەلارۋس) ٶتەدٸ.
بۇعان دەيٸن پرەمەر-مينيستردٸڭ بٸرٸنشٸ ورىنباسارى رومان سكلياردىڭ تٶراعالىعىمەن قازاقستاننىڭ ٸرٸ ٶنەركەسٸپتٸك كەسٸپورىندارىنىڭ قىزمەتٸنە جاساندى ينتەللەكت (جي) تەحنولوگييالارىن ەنگٸزۋ مەسەلەلەرٸ بويىنشا جيىن ٶتكەنٸ حابارلانعان.
