پرەمەر-مينيستر ولجاس بەكتەنوۆ سولتٷستٸك قازاقستان وبلىسىنا جۇمىس ساپارى بارىسىندا كٶكتەمگٸ ەگٸس جۇمىستارىنىڭ قورىتىندىسى مەن اگروٶنەركەسٸپ كەشەنٸن دامىتۋ مەسەلەلەرٸ بويىنشا كەڭەس ٶتكٸزدٸ, دەپ حابارلايدى dalanews.kz.
ٷكٸمەت باسشىسى ٸرٸ اگروكەسٸپورىنداردى اۋىل تۇرعىندارىن جىل بويى جۇمىسپەن قامتۋعا شاقىرىپ, بۇل تالاپ ورىندالماعان جاعدايدا جەردٸ قايتارۋ مەسەلەسٸ قارالاتىنىن مەلٸمدەدٸ.
اۋىل شارۋاشىلىعى مينيسترٸ ايداربەك ساپاروۆتىڭ ايتۋىنشا, بيىل ەلٸمٸزدە اۋىل شارۋاشىلىعى داقىلدارى 23,8 ملن گەكتار القاپقا ەگٸلگەن. بۇل ٶتكەن جىلمەن سالىستىرعاندا 180 مىڭ گەكتارعا كٶپ. ونىڭ ٸشٸندە دەندٸ جەنە بۇرشاقتى داقىلدار 15,8 ملن گەكتاردى, مايلى داقىلدار 4,3 ملن گەكتاردى, ال مال ازىعى داقىلدارى 3,3 ملن گەكتاردى الىپ جاتىر.
كەڭەس بارىسىندا اگروٶنەركەسٸپ كەشەنٸنە قۇيىلىپ جاتقان ينۆەستيتسييالار مەن مەملەكەتتٸك قولداۋ شارالارى دا تالقىلاندى. سوڭعى ەكٸ جىلدا ەلدە 540 جاڭا اگروٶنەركەسٸپ نىسانى پايدالانۋعا بەرٸلگەن. ولاردىڭ قاتارىندا مال شارۋاشىلىعى كەشەندەرٸ, سٷت-تاۋار فەرمالارى, قۇس فابريكالارى, كٶكٶنٸس قويمالارى مەن قايتا ٶڭدەۋ كەسٸپورىندارى بار.
پرەمەر-مينيستر مەملەكەت تاراپىنان كٶرسەتٸلەتٸن قولداۋعا سەيكەس بيزنەستٸڭ دە ەلەۋمەتتٸك جاۋاپكەرشٸلٸگٸ بولۋى تيٸس ەكەنٸن ايتتى.
«ٸرٸ شارۋاشىلىقتار جىل بويى جۇمىسپەن قامتۋدى قامتاماسىز ەتۋٸ كەرەك. بۇل – سٸزدەرگە قويىلاتىن نەگٸزگٸ تالاپتاردىڭ بٸرٸ. مەملەكەت قاجەتتٸ قولداۋ كٶرسەتٸپ وتىر. بٸراق بٸز ٸرٸ بيزنەستەن دە ناقتى مٸندەتتەمەلەر كٷتەمٸز. ەگەر بۇل باعىتتا جۇمىس جٷرگٸزٸلمەسە, ونداي جەر يەلەرٸنەن جەردٸ قايتارۋ مەسەلەسٸمەن اينالىسامىز», – دەدٸ ولجاس بەكتەنوۆ.
جيىندا مال شارۋاشىلىعىن دامىتۋ مەسەلەسٸنە دە ەرەكشە نازار اۋدارىلدى. ٷكٸمەت مەلٸمەتٸنشە, جىل باسىنان بەرٸ ەلٸمٸزدە بارلىق ساناتتاعى ەت ٶندٸرٸسٸ 338 مىڭ تونناعا جەتٸپ, ٶتكەن جىلدىڭ سەيكەس كەزەڭٸمەن سالىستىرعاندا 3,4 پايىزعا ارتقان. ونىڭ ٸشٸندە سيىر ەتٸ ٶندٸرٸسٸ 6,1 پايىزعا, قوي ەتٸ 8,1 پايىزعا ٶسكەن.
پرەمەر-مينيستر ۆەتەرينارييالىق قاۋٸپسٸزدٸك سالاسىنداعى جۇمىستاردى دا ەرەكشە اتاپ ٶتتٸ. سوڭعى ەكٸ جىلدا ٶڭٸرلەردە شامامەن 600 ۆەتەرينارييالىق نىسان سالىنىپ, بۇل ماقساتقا 9,1 ملرد تەڭگە جۇمسالعان. نەتيجەسٸندە قازاقستان رەسمي تٷردە اۋسىلدان تازا ەل مەرتەبەسٸن العان.
ٷكٸمەت باسشىسى بۇل مەرتەبەنٸ ساقتاۋ ٷشٸن ۆەتەرينارييالىق باقىلاۋدى كٷشەيتۋدٸ تاپسىردى.
سونىمەن قاتار كەڭەستە سۋ تاپشىلىعى قاۋپٸ تالقىلاندى. «قازگيدرومەت» بولجامىنا سەيكەس, شٸلدە-قىركٷيەك ايلارىندا بٸرقاتار ٶڭٸرلەردە ىلعال تاپشىلىعى بايقالۋى مٷمكٸن. وسىعان بايلانىستى پرەمەر-مينيستر تيٸستٸ مينيسترلٸكتەر مەن ەكٸمدٸكتەرگە ەگٸستٸكتەردٸ سۋمەن قامتاماسىز ەتۋ مەسەلەسٸن تۇراقتى باقىلاۋدا ۇستاۋدى تاپسىردى.
بيىل اگروٶنەركەسٸپ كەشەنٸن قارجىلاندىرۋعا 1,2 ترلن تەڭگەدەن استام قاراجات قاراستىرىلعان. ونىڭ ٸشٸندە كٶكتەمگٸ ەگٸس پەن كٷزگٸ جيىن-تەرٸم جۇمىستارىنا 750 ملرد تەڭگەگە دەيٸن قارجى باعىتتالماق. قازٸرگٸ تاڭدا شارۋالارعا 573 ملرد تەڭگە كٶلەمٸندە نەسيە بەرٸلگەن.
