باستاپقىدا تەك 108 جولاۋشى سوتقا شاعىم تۇسىرگەن ەكەن. ولارعا «بەك ەير» 8 ميلليونعا جۋىق تەڭگە قايتارۋى ءتيىس بولعان. الايدا بيلەت اقىسىن بىلتىردان بەرى قايتارا الماي جۇرگەن حالىق بۇدان دا كوپ بوپ شىقتى.
سوت ءىسىن قاراۋ كەزىندە شاعىمدانۋشىلار 500-دەن اسىپ كەتتى. ال جالپى سوما 34 ميلليون تەڭگەگە ءبىر-اق جەتتى.
بيلەت داۋىنا قاتىستى سوت بۇل جولى دا جولاۋشىلاردى قولداپ، اۋە كومپانياسىن 34 ميلليوننىڭ سوڭعى تيىنىنا دەيىن تولەپ بەرۋگە مىندەتتەدى.
500 جولاۋشىنىڭ بارلىعى دا بيلەتتى جەلتوقسانداعى ۇشاق اپاتىنا دەيىن ساتىپ العان. ءبىراق «بەك ەير» ول قارىزدان الدەقاشان قۇتىلعانىن ايتىپ قاشىپ ءجۇرىپتى.
بىلتىر جەلتوقساندا بولعان ۇشاق اپاتىنان سوڭ «بەك ەيردىڭ» رەيستەرى جاپپاي توقتاتىلعان. سونىڭ سالدارىنان الدىن الا بيلەت الىپ قويعان ءدۇيىم جۇرت اقشاسىن قايتارا الماي، كومپانيانى سوتقا بەرگەن.
– «بەك ەيرعا» قاتىستى ءبىز سوتقا ءۇش مارتە شاعىم تۇسىردىك. بارلىعىنا اۋە كومپانياسى 93 ميلليون تەڭگە قايتارۋى ءتيىس. ناقتى قانشا اقشانىڭ قايتارىلعانى تۋرالى بىزدە مالىمەت جوق. ءبىراق سوتتىڭ شەشىمىنە سايكەس، بەلگىلەنگەن ۋاقىتتىڭ ىشىندە اۋە كومپانياسى شەشىمدى ورىنداۋعا مىندەتتى، – ق ر ساۋدا جانە ينتەگراسيا مينيسترلىگى تۇتىنۋشىلاردىڭ قۇقىعىن قورعاۋ كوميتەتىنىڭ باسقارما جەتەكشىسى ءاليحان شاكەنوۆ.
ارۋنا ورتاي
