«Bek Eir» jurtqa 34 million teńge tóleýge mindetteldi
Bastapqyda tek 108 jolaýshy sotqa shaǵym túsirgen eken. Olarǵa «Bek Eir» 8 millionǵa jýyq teńge qaitarýy tiis bolǵan. Alaida bilet aqysyn byltyrdan beri qaitara almai júrgen halyq budan da kóp bop shyqty.
Sot isin qaraý kezinde shaǵymdanýshylar 500-den asyp ketti. Al jalpy soma 34 million teńgege bir-aq jetti.
Bilet daýyna qatysty sot bul joly da jolaýshylardy qoldap, áýe kompaniiasyn 34 millionnyń sońǵy tiynyna deiin tólep berýge mindettedi.
500 jolaýshynyń barlyǵy da biletti jeltoqsandaǵy ushaq apatyna deiin satyp alǵan. Biraq «Bek Eir» ol qaryzdan áldeqashan qutylǵanyn aityp qashyp júripti.
Byltyr jeltoqsanda bolǵan ushaq apatynan soń «Bek Eirdiń» reisteri jappai toqtatylǵan. Sonyń saldarynan aldyn ala bilet alyp qoiǵan dúiim jurt aqshasyn qaitara almai, kompaniiany sotqa bergen.
– «Bek Eirǵa» qatysty biz sotqa úsh márte shaǵym túsirdik. Barlyǵyna áýe kompaniiasy 93 million teńge qaitarýy tiis. Naqty qansha aqshanyń qaitarylǵany týraly bizde málimet joq. Biraq sottyń sheshimine sáikes, belgilengen ýaqyttyń ishinde áýe kompaniiasy sheshimdi oryndaýǵa mindetti, – QR Saýda jáne integratsiia ministrligi Tutynýshylardyń quqyǵyn qorǵaý komitetiniń basqarma jetekshisi Álihan Shákenov.
Arýna Ortai
