«بەك ەير» ءبىر ۇشاقتىڭ قۇرامداس بولشەكتەرىن الىپ، باسقا ۇشاققا ورناتىپ وتىرعان. وعان قاراجاتتىڭ جەتىسپەۋشىلىگى جانە ەسكى ۇشاق ءۇشىن قاجەتتى بولشەكتى تابۋدىڭ قيىندىعى سەبەپ بولعان، دەپ حابارلادى استاناتەلەارناسىنا سىلتەمە جاساعان Skifnews.kz اقپارات پورتالى.
الماتىدا 12 ادامنىڭ ءومىرىن جالماعان ۇشاق اپاتىنان كەيىن تەكسەرىس باستاعان «اۆياسيالىق اكىمشىلىگىنىڭ» العاشقى ناتيجەلەرى وسىنداي. سونداي-اق، قوزعالتقىشتان ونىڭ جۇمىس ۋاقىتىن كورسەتەتىن سەريالىق نومىرلەر تۋرالى اقپارات بەلگىلەرىن الىپ تاستاعان. وسىلايشا ونىڭ نەشە جىل جۇمىس ىستەگەنىن دە انىقتاۋ مۇمكىن ەمەس. اۋە كومپانياداعى كادر ماسەلەسى دە وزەكتى تۇرعان كورىنەدى.
«بەك ەير» اق كادرلارىن دايارلاۋ ماسەلەسى ەرەكشە الاڭداۋشىلىق تۋدىرادى، ويتكەنى قۇجاتتامانى تەكسەرۋ بارىسى قاۋىپسىزدىك بويىنشا وقىتۋ جانە ولاردى كومپانياداعى ەسەپكە الۋ ماسەلەلەرىندە ەلەۋلى كەمشىلىكتەر ورىن العان. بۇل رەتتە بارلىق ەكيپاجدار ۇشاقتى دۇرىس پايدالانۋدى ءتيىستى تۇردە ۇيرەنۋى ءۇشىن كادرلاردى دايارلاۋ پروسەسىن جاقسارتۋ ءۇشىن شارالار قابىلداۋ قاجەت.
قازىرگى ۋاقىتتا تەكسەرىس جۇمىستارى جالعاسىپ جاتىر. ول اياقتالعاننان كەيىن اۆياكومپانيا 10 كۇن ىشىندە اكىمشىلىككە بارلىق زاڭ بۇزۋشىلىقتاردى جويۋ بويىنشا تۇزەتۋ جوسپارىن ۇسىنۋى ءتيىس. ەگەر زاڭ بۇزۋشىلىقتار جارتى جىل ىشىندە جويىلماسا، پايدالانۋشى سەرتيفيكاتى مەن ۇشۋعا جارامدىلىق سەرتيفيكاتتارى كەرى قايتارىلماق.
