«Bek Eir» bir ushaqtyń quramdas bólshekterin alyp, basqa ushaqqa ornatyp otyrǵan. Oǵan qarajattyń jetispeýshiligi jáne eski ushaq úshin qajetti bólshekti tabýdyń qiyndyǵy sebep bolǵan, dep habarlady Astanatelearnasyna silteme jasaǵan Skifnews.kz aqparat portaly.
Almatyda 12 adamnyń ómirin jalmaǵan ushaq apatynan keiin tekseris bastaǵan «Aviatsiialyq ákimshiliginiń» alǵashqy nátijeleri osyndai. Sondai-aq, qozǵaltqyshtan onyń jumys ýaqytyn kórsetetin seriialyq nómirler týraly aqparat belgilerin alyp tastaǵan. Osylaisha onyń neshe jyl jumys istegenin de anyqtaý múmkin emes. Áýe kompaniiadaǵy kadr máselesi de ózekti turǵan kórinedi.
«Bek Eir» AQ kadrlaryn daiarlaý máselesi erekshe alańdaýshylyq týdyrady, óitkeni qujattamany tekserý barysy qaýipsizdik boiynsha oqytý jáne olardy kompaniiadaǵy esepke alý máselelerinde eleýli kemshilikter oryn alǵan. Bul rette barlyq ekipajdar ushaqty durys paidalanýdy tiisti túrde úirenýi úshin kadrlardy daiarlaý protsesin jaqsartý úshin sharalar qabyldaý qajet.
Qazirgi ýaqytta tekseris jumystary jalǵasyp jatyr. Ol aiaqtalǵannan keiin aviakompaniia 10 kún ishinde ákimshilikke barlyq zań buzýshylyqtardy joiý boiynsha túzetý josparyn usynýy tiis. Eger zań buzýshylyqtar jarty jyl ishinde joiylmasa, paidalanýshy sertifikaty men ushýǵa jaramdylyq sertifikattary keri qaitarylmaq.
