كاسىبي شەبەرلىكتى ارتتىرۋعا باعىتتالعان WSK ۇلتتىق بايقاۋى كادرلاردىڭ دايىندىق دەڭگەيىن جوعارى دارەجەگە كوتەرىپ، كاسىبي جانە بىلىمدىك ستاندارتتاردىڭ ءوزارا الماسۋىنا، سونىمەن قاتار ءبىرتۇتاس كوممۋنيكاتيۆتى ينفراقۇرىلىمنىڭ قۇرىلۋىنا جول اشادى. بۇل ءوز كەزەگىندە جۇمىسشىلاردىڭ دايىندىق دەڭگەيىن جەتىلدىرىپ، جالپى العانداعى كاسىبي جۇمىسشى كادرلار ازىرلەۋ جانە مامانداردى قايتا دايارلاۋ ىسىنە وڭ ۇلەس قوسادى. ايتا كەتەلىك، WSK – WorldSkills(www.worldskills.org) قوزعالىسىنىڭ ءبىر بولشەگى. اتالعان باستامانى وتكىزۋگە «كاسىپقور» حولدينگى قولداۋ تانىتىپ، استانا مەن الماتىنىڭ ءبىلىم باسقارمالارىنا اقپاراتتىق حاتتار جىبەرىلدى.
ەسكە سالا كەتەيىك، 6-شى اقپانعا دەيىن تاڭدالعان كاسىپتەر بويىنشا كاسىبى شەبەرلىكتەن ءوتۋ بايقاۋىنا ۇسىنىستار قابىلدانادى. ال 25 اقپاندا ايماقتىق كونكۋرستاردىڭ جەڭىمپازدارى انىقتالادى. ولار ءوز كەزەگىندە 6 ناۋرىزعا دەيىن وسىناۋ كاسىبي شەبەرلىك بايقاۋىنىڭ رەسپۋبليكالىق بايگەسىنە قاتىساتىنىن راستاۋى كەرەك. 15 ساۋىردە ۇزدىك كورىنگەندەردىڭ اراسىنان ق ر ۇلتتىق قۇراماسى جاساقتالادى. 11-16 تامىز ارالىعىندا ەل قۇراماسى World Skills Competition 2015 دەپ اتالاتىن سان-پاۋلۋ قالاسىندا وتەتىن الەم چەمپيوناتىنا قاتىساتىن بولادى. جارىسقا قاتىساتىندار ايماقتىق جانە ۇلتتىق بىرىنشىلىكتەگى ىرىكتەۋدەن وتەدى. ۇلتتىق قۇراماعا ءار ءوڭىر تاڭدالعان ماماندىق بويىنشا 1 ۇجىمدى ۇسىنا الادى. قاتىسۋشىلاردىڭ جاسى 18-22 جاس ارالىعىندا بولۋى كەرەك. ال ماماندىقتار ءتىزىمى مىناداي: توكار، كىرپىش قالاۋ، سانتەحنيكا جانە جىلىتۋ، سىلاق جانە گيپوسكارتون جۇيەسى، شاشتاراز، اسپازدىق جانە مەيرامحانالىق ءىس، ات جۇيەلەرىن باسقارۋ. بايقاۋعا قاتىسۋعا اسىعىڭىزدار!
P.S. بايقاۋ شارتتارى تۋرالى جان-جاقتى مالىمەت العىڭىز كەلسە تومەندەگى انىقتامالىق تەلەفوندارعا حابارلاسۋعا بولادى.
انىقتاما:
ايماقتىق ىرىكتەۋدىڭ ۇيىمداستىرۋشىسى «رەسپۋبليكالىق عىلىمي-مەتوديكالىق ورتالىق» اق +7(7172) 792551، rsmcvet@gmail.com؛
ۇلتتىق وپەراتور: +7(7172) 475043، amustafina@tvet.kz
