Eske sala keteiik, 6-shy aqpanǵa deiin tańdalǵan kásipter boiynsha kásibi sheberlikten ótý baiqaýyna usynystar qabyldanady. Al 25 aqpanda aimaqtyq konkýrstardyń jeńimpazdary anyqtalady. Olar óz kezeginde 6 naýryzǵa deiin osynaý kásibi sheberlik baiqaýynyń respýblikalyq báigesine qatysatynyn rastaýy kerek. 15 sáýirde úzdik kóringenderdiń arasynan QR ulttyq quramasy jasaqtalady. 11-16 tamyz aralyǵynda el quramasy World Skills Competition 2015 dep atalatyn San-Paýlý qalasynda ótetin Álem chempionatyna qatysatyn bolady. Jarysqa qatysatyndar aimaqtyq jáne ulttyq birinshiliktegi irikteýden ótedi. Ulttyq quramaǵa ár óńir tańdalǵan mamandyq boiynsha 1 ujymdy usyna alady. Qatysýshylardyń jasy 18-22 jas aralyǵynda bolýy kerek. Al mamandyqtar tizimi mynadai: tokar, kirpish qalaý, santehnika jáne jylytý, sylaq jáne giposkarton júiesi, shashtaraz, aspazdyq jáne meiramhanalyq is, AT júielerin basqarý. Baiqaýǵa qatysýǵa asyǵyńyzdar!
P.S. Baiqaý sharttary týraly jan-jaqty málimet alǵyńyz kelse tómendegi anyqtamalyq telefondarǵa habarlasýǵa bolady.
Anyqtama:
Aimaqtyq irikteýdiń uiymdastyrýshysy «Respýblikalyq ǵylymi-metodikalyq ortalyq» AQ +7(7172) 792551, rsmcvet@gmail.com;
Ulttyq operator: +7(7172) 475043, amustafina@tvet.kz
