ەكس-سەناتور، مەملەكەت جانە قوعام قايراتكەرى مۇرات باقتيار ۇلى ەلىمىزدەگى قازبا بايلىقتىڭ قىتايلارعا كەتىپ جاتقانىنا قاپالاندى. بۇل تۋرالى ول Facebook پاراقشاسىندا جازدى، دەپ حابارلايدى Dalanews.kz.

ول سىر وڭىرىندەگى ەڭ ءىرى كومپانيانىڭ جاي-كۇيىن قوزعادى.

"تۋعان جەرىم قىزىلوردا وڭىرىندەگى وتە تابىستى جۇمىس جاساپ تۇرعان ەڭ ءىرى قۇمكول مۇناي-گاز كومپانياسى ( مۇناي قورى 300 ملن باررەل) 1997 جىلى كانادالىق “ پەتروقازاقستان” كومپانياسىنىڭ مەنشىگىنە ءوتتى. نەگە ساتىلدى، قانشاعا ساتىلدى، مۇنىڭ سوڭىندا كىمدەر تۇردى؟ پارلامەنتتە جۇرگەندە بىرنەشە رەت وسى سۇراقتارعا جاۋاپ الۋعا  ۇمتىلدىم، ءبىراق تۇششىمدى مالىمەت  الامادىم. ول كەزدە اقپارات الۋعا مۇمكىندىك بەرىلمەدى. 2005 جىلى بۇل كومپانيا اياق استىنان ساۋداعا شىعارىلىپ، كانادالىقتار ءبىزدىڭ بايلىعىمىزدى قىتايدىڭ سنپس كومپانياسىنا 4 ملد دوللارعا  ساتىپ پايدا كوردى.بۇل مۇناي ورنى 2013 جىلعا دەيىن جىلىنا 6 ملن توننا مۇناي ءوندىرىپ ساتتى. مەنىڭ ەسەبىمشە قىتايلىقتار 4 ملد. شىعىنىن ەكى جىلدا جاۋىپ، وسى كەزگە دەيىن تازا پايدامەن وتىر. شىمكەنتتەگى “شنوس” مۇناي ءوندىرۋ زاۆودى جارتىلاي جۇڭگو مەنشىگىندە. جالپى ەلىمىزدەگى مۇناي- گاز ءوندىرىسىنىڭ اقتوبە وبلىسى بويىنشا 90%، قىزىلوردا ءوڭىرى بويىنشا 65%،  اتىراۋ- ماڭعىستاۋ وبلىستارى بويىنشا باسىم كوپشىلىگى شەتەلدىك كومپانيالاردىڭ ۇلەسىندە" - دەيدى ەكس-سەناتور.

وسى تۇستا ول ءىرى ستراتەگيالىق نىسانداردى ەلگە قايتارۋعا ءالى دە مۇمكىندىك بار ەكەنىن العا تارتتى.

"الىسقا بارماي-اق، كورشى ازەربايجان ەلىندە بارلىق مۇناي ءوندىرىسى تەك مەملەكەتتىڭ مەنشىگىندە. وزبەكستانداعى گاز ورىندارى تولىق مەملەكەت قاراۋىندا. ءقازىر قوعام وزگەردى، سانا وزگەرۋدە، وتكەن وتىز جىلىمىزعا تاس لاقتىرۋدان اۋلاقپىن، ويتكەنى ول بارلىعىمىزدىڭ تاريحىمىز، ءبىراق ادىلەتسىز تۇردە شەتەلگە ارزان باعالارعا ساتىلىپ كەتكەن ءىرى ستراتەگيالىق نىسانداردى ( مۇناي، گاز، مىس، حروم، اليۋمەنيي، كومىر ت.ب. ) اتا زاڭىمىزعا جانە حالىقارالىق نورمالارعا سۇيەنە وتىرىپ مەملەكەت مەنشىگىنە قايتارۋعا تولىق مۇمكىندىك بار" - دەپ جازبا قالدىردى مۇرات باقتيار ۇلى.