«اقتوبە» الەۋمەتتىك كاسىپكەرلىك كورپوراسياسىنىڭ تىكەلەي قولداۋىمەن جۇزەگە اسىرىلعان بۇل الەۋمەتتىك جوبا وبلىس وڭىرلەرىندە تۇڭعىش رەت وتكىزىلىپ وتىر.
جارمەڭكەدە ۇسىنىلعان تاۋارلاردىڭ باعاسى وبلىستاعى كەز كەلگەن ساۋدا ورتالىقتارىندا ساتىلاتىن باعادان 10-15 پايىزعا تومەن.
جارمەڭكەدە «سحف پريگورودنىي» شارۋاش قوجالىعىنىڭ كارتوپ، پياز، قىرىققابات جانە ءسابىز ونىمدەرى كەلىسى 85 تەڭگەدەن ساتىلادى. ال قارا بازاردا بۇلاردىڭ قۇنى 100 تەڭگەدەن باستالادى.
اتالعان يگى باستامانىڭ ماڭىزدىلىعى پاندەمياعا بايلانىستى كارانتين ۋاقىتىندا تابىسى ازايعان قاراپايىم تۇرعىنداردى قول جەتىمدى باعاداعى تاۋارلارمەن قامتاماسىز ەتۋ ەكەنىن ەرەكشە اتاپ وتكەن ءجون.
جارمەڭكە اشىق اسپان استىندا، ەپيدەمياعا قارسى بارلىق سانيتارلىق تالاپتاردى ساقتاي وتىرىپ، بەتپەردە تاعۋ رەجيمىندە ءوتتى.
