«Aqtóbe» áleýmettik kásipkerlik korporasıasynyń tikeleı qoldaýymen júzege asyrylǵan bul áleýmettik joba oblys óńirlerinde tuńǵysh ret ótkizilip otyr.
Jármeńkede usynylǵan taýarlardyń baǵasy oblystaǵy kez kelgen saýda ortalyqtarynda satylatyn baǵadan 10-15 paıyzǵa tómen.
Jármeńkede «SHF Prıgorodnyı» sharýash qojalyǵynyń kartop, pıaz, qyryqqabat jáne sábiz ónimderi kelisi 85 teńgeden satylady. Al qara bazarda bulardyń quny 100 teńgeden bastalady.
Atalǵan ıgi bastamanyń mańyzdylyǵy pandemıaǵa baılanysty karantın ýaqytynda tabysy azaıǵan qarapaıym turǵyndardy qol jetimdi baǵadaǵy taýarlarmen qamtamasyz etý ekenin erekshe atap ótken jón.
Jármeńke ashyq aspan astynda, epıdemıaǵa qarsy barlyq sanıtarlyq talaptardy saqtaı otyryp, betperde taǵý rejıminde ótti.
