ماگيسترالدى سۋاققىنىڭ ىسكە قوسىلۋ شاراسىنا اۋدان باسشىسى ب.تاناگوزوۆ قاتىسىپ، اۋىل تۇرعىندارىنىڭ قۋانىشىمەن ءبولىستى. سونداي-اق اكىم الداعى ۋاقىتتا جۇزەگە اسىرىلاتىن جوبالارعا توقتالىپ، سالتاناتتى تۇردە اۋىز سۋ قۇبىرىنىڭ تەتىگىن ىسكە قوستى.
بولىنگەن قارجى ەسەبىنەن ماگيسترالدى سۋاققىدان ەلدى مەكەنگە دەيىنگى ارالىقتا 26 شاقىرىم سۋ قۇبىرى، ال اۋىلدىڭ بارلىق كوشەلەرىنە 31 شاقىرىمدىق سۋ جۇيەسى تارتىلدى. بۇل نىسانداردىڭ قۇرىلىس جۇمىستارىن «نۇراي قۇرىلىس جولى» جشس-گى مەن «سيەۆەر-يۋگ- ۋنيۆەرسال» جشس-گى جۇرگىزدى.
ءوز كەزىندە اۋىلدىڭ توبە ءبيى سەيىتكارىم نۇرجانوۆ تۇرعىندار اتىنان جەرگىلىكتى بيلىككە العىسىن ايتىپ، بۇل وسىندا تۇراتىن 267 وتباسى ءۇشىن وراسان زور قۋانىشتى وقيعا ەكەنىن جەتكىزدى.
جالپى اۋدان كولەمىندەگى 52 ەلدى مەكەننىڭ بۇگىنگى تاڭعا 34ء-ى قۇبىرلى اۋىزسۋمەن قامتىلعان. ياعني تۇرعىنداردىڭ 83،4 پايىزى تازا اۋىزسۋعا قول جەتكىزگەن. 2018 جىلى اۋدانداعى تۇرعىنداردى تازا اۋىزسۋمەن قامتۋ ماقساتىندا 9 ەلدى مەكەندە اۋىز سۋ قۇرىلىسى جۇرگىزىلسە، الداعى 2020-2021 جىلدارى اۋداندى تولىق ساپالى اۋىز سۋمەن قامتۋ جۇمىستارىن اياقتاۋ جوسپارلانۋدا.
وقو اكىمىنىڭ باسپا ءسوز قىزمەتى
