"ولارعا ماماندارىمىز كٶمەكتەسەدٸ. ەلەكتروندى كارتا جٷيەسٸنٸڭ ارتىقشىلىعى – شارۋالار ٷيلەرٸندە وتىرىپ-اق عالامتور ارقىلى تىڭايتقىش پەن ٶزگە دە قاجەتتٸ جەڭٸلدٸكتەرگە تاپسىرىس بەرە الادى. قازٸر اۋداندا جەردٸ يگەرۋگە نيەتتٸ تۇرعىندار سانى ارتىپ كەلەدٸ. بيىل 94,6 مىڭ گەكتار جەر يگەرٸلدٸ. بىلتىرعا قاراعاندا 3 مىڭ گەكتارعا ارتىق", – دەيدٸ ك.احمەتوۆ.
بيىل بەيدٸبەك اۋدانىندا قوي سانى 600 مىڭعا جەتٸپ, ٶتكەن جىلمەن سالىستىرعاندا 7 پايىزعا ۇلعايعان. ٸرٸ قارا سانى 60 مىڭعا, جىلقى 200 مىڭعا جەتتٸ. تٷيە باسى دا كٶبەيگەن.
بٷگٸندە اۋداندا اۋىل شارۋاشىلىعىنا مەن بەرٸلٸپ, كووپەراتيۆتەردٸڭ جۇمىسى جاندانۋدا. سولاردىڭ قاتارىنداعى «العاباس-اعىبەت» ٶندٸرٸستٸك كووپەراتيۆٸ مەن «ەرسۇلتان-اگرو» جشس-گٸ ەگٸن شارۋاشىلىعىمەن بٸرلەسٸپ اينالىسۋدا. بٸرلەسكەن شارۋاشىلىق العاباس, اعىبەت اۋىلدىق وكرۋگٸ اۋماعىنان 2000 گەكتار جەرگە بيداي, 1500 گەكتار جەرگە ماقسارى, 500 گەكتار جەرگە ارپا, 400 گەكتار جەرگە جوڭىشقا ەككەن.
اتالعان شارۋاشىلىقتا العاباس, اعىبەت اۋىلدىق وكرۋگٸنٸڭ 20-عا جۋىق تۇرعىنى تۇراقتى جۇمىسپەن قامتىلعان. ال, ماۋسىمدىق جۇمىستار قىزعان كەزدە 45-50 ادامدى جۇمىسقا تارتىلىپ, ولارعا 80 مىڭ تەڭگە كٶلەمٸندە ەڭبەكاقى تٶلەنەدٸ. شارۋاشىلىقتا 35 تەحنيكا بار. مۇندا شارۋالار «ستەكلوۆيدنىي 24, «كراسنىي ۆودوپاد», «پاميات 47» بيداي سۇرىپتارىن ەككەن. سونىمەن قاتار ارپامەن سۇلىنى بۋدانداستىرىپ ٶنٸم الۋدا. 6 تامىزدا 500 گەكتار ماقسارى ٶنٸمٸن ورۋ جۇمىستارى باستالدى.
