«تازا قازاقستان» رەسپۋبليكالىق اكسياسىنىڭ «كيەلى مەكەن» اپتالىعى اياسىندا بايدىبەك اۋدانىنداعى كيەلى مەكەندەردى اباتتاندىرۋ جۇمىستارى كۇندەلىكتى جۇرگىزىلدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
اۋدانداعى بايدىبەك اتا كەسەنەسى، اپپاق يشان ساۋلەت-كوركەم مۇراجايى، اقمەشىت ۇڭگىرىنە سەنبىلىكتەر ۇيىمداستىرىلىپ ەلدى مەكەندەردەگى ەسكەرتكىشتەر جاڭالانۋدا.
بايدىبەك اۋدانىنىڭ پروكۋرورى ءمادي بايتەلييەۆ، پروكۋراتۋرا قىزمەتكەرلەرى، №19 كوللەدج ستۋدەنتتەرى جانە اۋدان جاستارىمەن بىرگە دومالاق انا كەسەنەسىنىڭ اۋماعىنا كوشەتتەر ەكتى.
سونىمەن قاتار دومالاق انا بۇلاعىنىڭ اۋماعىنا سەنبىلىك ۇيىمداستىرىلىپ، تالداردىڭ ءتۇبىن اكتەۋ، قۋراعان اعاشتار مەن قوقىستاردى تازالاۋ جۇمىستارى جۇرگىزىلدى.
