بٷگٸن اۋدانعا ارنايى باسپاسٶز-تۋرىمەن بارعان باق ٶكٸلدەرٸ اۋدانداعى بٸرقاتار جۇمىستارمەن تانىستى. اتالعان جەر تەلٸمدەرٸ شايان اۋىلدىق وكرۋگٸندە كەزەكتە تۇرعان 326 تۇرعىنعا بەرٸلەدٸ. بۇل جەر تەلٸمدەرٸندە اۆتوجول, اياق جول تٶسەلٸپ, سۋاعارلار مەن ەلەكتر باعانالارى جەنە اۋىز سۋ جٷيەسٸ ورناتىلعان. ياعني, تۇرعىندارعا جاعداي جاسالعان. شايان اۋىلدىق وكرۋگٸنٸڭ ەكٸمٸنٸڭ ورىنباسارى سەكەن مىرزابەكوۆتىڭ ايتۋىنشا, ينفراقۇرىلىم رەسپۋبليكالىق بيۋدجەت ەسەبٸنەن تارتىلعان. ٷي سالام دەيتٸن تۇرعىندار ٷشٸن كوممۋنالدىق مەسەلەلەر تولىق شەشٸلگەن.
بەيدٸبەك اۋدانىنىندا جۇرتشىلىقتى تۇرعىن ٷيمەن قامتاماسىز ەتۋ بويىنشا بٸرقاتار جۇمىستار جٷرگٸزٸلٸپ جاتىر. جۋىردا استانا قالاسىنىڭ 20 جىلدىعى مەرەيتويى قارساڭىندا 1 پەتەرلٸ 20 تۇرعىن ٷيدٸڭ كٸلتٸ سالتاناتتى تٷردە تابىس ەتٸلٸپ, 20 وتباسى قونىس تويىن تويلادى. اتاپ ايتقاندا, ٷيلەر جەتٸم بالالار مەن اتا-اناسىنىڭ قامقورلىعىنسىز قالعان بالالارعا, ەلەۋمەتتٸك جاعىنان قورعالاتىن تابىسى از ازاماتتارعا, مەملەكەتتٸك قىزمەتشٸلەر, ٶزگە دە بيۋدجەتتٸك ۇيىمداردىڭ قىزمەتكەرلەرٸ مەن ەسكەري قىزمەتشٸلەرگە جەنە اپاتتى جاعدايداعى ٷيلەر ساناتى بويىنشا تۇرعىن ٷي كەزەگٸندە تۇرعان ازاماتتارعا بەرٸلدٸ. ٷيلەردٸڭ اۋلاسى قورشالعان, اۋىز سۋ تارتىلعان. باسپانالى بولعان تۇرعىنداردىڭ بٸرٸ, كٶپبالالى ەكە, بٸلٸكتٸ حيرۋرگ جامالبەك بەيسەنوۆ 10 جىل كەزەككە تۇرعان. ول ٷيدٸڭ ساپالى ەرٸ قولايلى سالىنعانىن ايتىپ, ريزاشىلىعىن بٸلدٸردٸ.
قازٸرگٸ تاڭدا بەيدٸبەك اۋدانى شايان اۋىلىنىڭ باتىس بٶلٸگٸندە ورنالاسقان جاڭا ٷيلەر ٶز الدىنا بٸر شاعىناۋدان بولىپ قۇرىلىپ وتىر.
ودان بٶلەك, بەيدٸبەك اۋدانىنداعى 3 ەلدٸ مەكەندە جەكە مەردٸگەرلەردٸڭ ەسەبٸنەن 2 قاباتتى 10 پەتەرلٸ قىزمەتتٸك تۇرعىن ٷيدٸڭ جەنە اۋدان ورتالىعى شايان اۋىلىنان 2 قاباتتى 16 پەتەرلٸ 5 تۇرعىن ٷيدٸڭ قۇرىلىسىنا جوبالىق-سمەتالىق قۇجاتتامالارى ەزٸرلەنٸپ جاتىر.
بٷگٸندە شايان اۋىلىندا جەكە ينۆەستورلار جالپى قۇنى 1,3 ملرد. تەڭگەگە جابىق تەننيس كورتى, جٷزۋ باسسەينٸ, جەنە سپورت الاڭشالارىنىڭ قۇرىلىسىن باستاپ كەتتٸ. قۇرىلىس نىساندارىن تٷركييالىق مەردٸگەر كومپانييا سالىپ جاتىر. بۇل نىساندار بيىل پايدالانۋعا بەرٸلمەك. تەننيس كورتى ساپالى تٶسەنٸشپەن جابدىقتالعان. ال, جابىق باسسەيننٸڭ ۇزىندىعى 25 مەتر بولسا, ەنٸ -- 11 مەتر. باسسەين اۆتوماتتى تازالاۋ جٷيەسٸمەن جابدىقتالىپ جاتىر. نىساندار 1-2 اي كٶلەمٸندە پايدالانۋعا بەرٸلمەك. ەندٸ اۋداندا ٷلكەن تەننيس, جٷزۋ سپورتى دامىماق. بٷگٸندە اۋداندىق دەنە شىنىقتىرۋ جەنە سپورت بٶلٸمٸنە قاراستى 1 سپورتتىق كەشەن, 5 بالالار مەن جاسٶسپٸرٸمدەر سپورت مەكتەبٸ جۇمىس ٸستەپ تۇر. بيىلدىڭ ٶزٸندە اۋدانداعى سپورت مەكتەپتەرٸندەگٸ 40-قا جۋىق سپورتشى وبلىستىق, رەسپۋبليكالىق جەنە حالىقارالىق جارىستاردان جٷلدەمەن ورالدى.
تٷركٸستان وبلىسى ەكٸمٸنٸڭ باسپاسٶز قىزمەتٸ
