Búgin aýdanǵa arnaiy baspasóz-týrymen barǵan BAQ ókilderi aýdandaǵy birqatar jumystarmen tanysty. Atalǵan jer telimderi Shaian aýyldyq okrýginde kezekte turǵan 326 turǵynǵa beriledi. Bul jer telimderinde avtojol, aiaq jol tóselip, sýaǵarlar men elektr baǵanalary jáne aýyz sý júiesi ornatylǵan. Iaǵni, turǵyndarǵa jaǵdai jasalǵan. Shaian aýyldyq okrýginiń ákiminiń orynbasary Sáken Myrzabekovtyń aitýynsha, infraqurylym respýblikalyq biýdjet esebinen tartylǵan. Úi salam deitin turǵyndar úshin kommýnaldyq máseleler tolyq sheshilgen.
Báidibek aýdanynynda jurtshylyqty turǵyn úimen qamtamasyz etý boiynsha birqatar jumystar júrgizilip jatyr. Jýyrda Astana qalasynyń 20 jyldyǵy mereitoiy qarsańynda 1 páterli 20 turǵyn úidiń kilti saltanatty túrde tabys etilip, 20 otbasy qonys toiyn toilady. Atap aitqanda, úiler jetim balalar men ata-anasynyń qamqorlyǵynsyz qalǵan balalarǵa, áleýmettik jaǵynan qorǵalatyn tabysy az azamattarǵa, memlekettik qyzmetshiler, ózge de biýdjettik uiymdardyń qyzmetkerleri men áskeri qyzmetshilerge jáne apatty jaǵdaidaǵy úiler sanaty boiynsha turǵyn úi kezeginde turǵan azamattarǵa berildi. Úilerdiń aýlasy qorshalǵan, aýyz sý tartylǵan. Baspanaly bolǵan turǵyndardyń biri, kópbalaly áke, bilikti hirýrg Jamalbek Beisenov 10 jyl kezekke turǵan. Ol úidiń sapaly ári qolaily salynǵanyn aityp, rizashylyǵyn bildirdi.
Qazirgi tańda Báidibek aýdany Shaian aýylynyń batys bóliginde ornalasqan jańa úiler óz aldyna bir shaǵynaýdan bolyp qurylyp otyr.
Odan bólek, Báidibek aýdanyndaǵy 3 eldi mekende jeke merdigerlerdiń esebinen 2 qabatty 10 páterli qyzmettik turǵyn úidiń jáne aýdan ortalyǵy Shaian aýylynan 2 qabatty 16 páterli 5 turǵyn úidiń qurylysyna jobalyq-smetalyq qujattamalary ázirlenip jatyr.
Búginde Shaian aýylynda jeke investorlar jalpy quny 1,3 mlrd. teńgege jabyq tennis korty, júzý basseini, jáne sport alańshalarynyń qurylysyn bastap ketti. Qurylys nysandaryn túrkiialyq merdiger kompaniia salyp jatyr. Bul nysandar biyl paidalanýǵa berilmek. Tennis korty sapaly tósenishpen jabdyqtalǵan. Al, jabyq basseinniń uzyndyǵy 25 metr bolsa, eni -- 11 metr. Bassein avtomatty tazalaý júiesimen jabdyqtalyp jatyr. Nysandar 1-2 ai kóleminde paidalanýǵa berilmek. Endi aýdanda úlken tennis, júzý sporty damymaq. Búginde aýdandyq dene shynyqtyrý jáne sport bólimine qarasty 1 sporttyq keshen, 5 balalar men jasóspirimder sport mektebi jumys istep tur. Biyldyń ózinde aýdandaǵy sport mektepterindegi 40-qa jýyq sportshy oblystyq, respýblikalyq jáne halyqaralyq jarystardan júldemen oraldy.
Túrkistan oblysy ákiminiń baspasóz qyzmeti
