ماڭىزدى قۇجاتتا ۋكراينانىڭ ەسكەري قورعانىس قابٸلەتٸن ارتتىرۋ, ەل ازاماتتارىن رەسەي اگرەسسيياسىنان قورعاۋ مەسەلەسٸ تايعا تاڭبا باسقانداي انىق جازىلعان.
سونىمەن قاتار لەند-ليز ۋكرايناعا قاندايدا بٸر قارۋ تٷرٸن جەتكٸزۋدە بارىسىندا اقش پەرزيدەنتٸنە بٸرقاتار ارتىقشىلىقتار بەرەتٸنٸن دە ايتا كەتۋٸمٸز كەرەك. ەند قاراۋ-جاراق جەتكٸزۋ ٸسٸنە بيۋروكراتييالىق پروتسەدۋرالار كەدەرگٸ بولمايدى. اقش پرەزيدەنتٸ اتالمىش قۇجاتقا سٷيەنٸپ, ٶزٸ شەشٸم قابىلدايتىن بولدى.
بۇدان باسقا ۋكراينا جەتكٸزٸلگەن قارۋ-جاراق ٷشٸن بٸردەن اقى تٶلەۋدەن بوساتىلىپ, قارىزىن كەيٸن ٶتەۋٸنە مٷمكٸندٸك الادى.
لەند-ليز اقش كونگرەسسٸندەگٸ ەكٸ پارتييا مٷشلەرٸنەن دە قولداۋ تاپقانىن ايتا كەتۋٸمٸز كەرەك. ٶز كەزەگٸندە كونگرەسس مٷشەلەرٸ «لەند-ليز زاڭى ۋكراينانىڭ رەسەي اگرەسسيياسىنا قارسى تۇرىپ, اۋقىمدى كٶمەكتٸ تەز الۋىنا جول اشادى» دەگەن بولاتىن.
بۇل اقش تاريحىنداعى ەكٸنشٸ «لەند-ليز» زاڭى ەكەنٸن ەستەرٸڭٸزگە سالامىز. ەكٸنشٸ دٷنيەجٷزٸلٸك سوعىس كەزٸندە قابىلدانعان لەند-ليز گيتلەردٸ تىقسىرا جەڭۋگە سەبەپشٸ بولعان.
العاشقى لەند-ليز 1941 جىلى رۋزۆەلتتٸڭ كەزٸندە قابىلدانعان-دى. العاشىندا لەند-ليز بويىنشا گيتلەرمەن كٷرەسكەن ۇلىبريتانيياعا كٶمەك كٶرسەتٸلسە, كەيٸننەن اقش لەند-ليز شەڭبەرٸندە كەڭەستەر وداعىنا ەسكەري كٶمەك كٶرسەتتٸ. وسىلايشا فاشيستٸك گەرمانيياعا توسقاۋىل قويعان بولاتىن.
