الماتىدا بۇرىنعى ەكٸم باۋىرجان بايبەك باسقارعان كەزەڭگە قاتىستى داۋلى قۇرىلىس ٸسٸ قايتادان كٷن تەرتٸبٸنە شىقتى, دەپ حابارلايدى Dala News.
حالىقارالىق «سۇڭقار» شاڭعى كەشەنٸنٸڭ قۇرىلىسىنا قاتىسقان مەردٸگەرلەر كٶپجىلدىق قارىز داۋى مەن تەكسەرۋدٸڭ بارىسىن بٸلۋ ٷشٸن پروكۋراتۋراعا بارعان. الايدا ولار كٷتكەن تٷسٸندٸرۋدٸڭ ورنىنا پوليتسييا شاقىرىلعان.
توو «تول-قۇرىلىس» ديرەكتورىنىڭ ورىنباسارى ابدۋرازاق بايبولاتوۆ ۇستالىپ, «رۇقسات ەتٸلمەگەن پيكەت» ۇيىمداستىردى دەگەن ايىپپەن ەكٸمشٸلٸك جاۋاپكەرشٸلٸككە تارتىلدى. وعان 50 اەك كٶلەمٸندە ايىپپۇل سالىندى.
ەسكە سالساق, بۇعان دەيٸن قۇرىلىسشىلار «سۇڭقار» كەشەنٸ بويىنشا شامامەن 6 ملرد تەڭگە قارىز بار ەكەنٸن مەلٸمدەپ, ٸستٸڭ تەرگەلۋٸ سوزىلىپ كەتكەنٸن ايتقان. ولار بۇل كەزەڭدە قالا ەكٸمدٸگٸن باسقارعان تۇلعالاردىڭ ەرەكەتٸنە قاتىستى سۇراقتار بار ەكەنٸن اشىق كٶتەرگەن.
داۋلى جوبا مەن قارىز مەسەلەسٸ بٸرنەشە جىلدان بەرٸ شەشٸمٸن تاپپاي كەلەدٸ. قۇرىلىسشىلار ٸستٸ جان-جاقتى ەرٸ اشىق تەرگەۋدٸ تالاپ ەتٸپ وتىر.
