پسيحولوگتىڭ ايتۋىنشا، پروديۋسەرگە مۇنداي شەشىم قابىلداۋ وڭاي سوقپادى. – بايان حانىم قازاق ايەلدەرىنە ۇلگى بولدى. ەگەر دە پسيحواناليزدەن بولەك، ءدىن جاعىنان الىپ قاراساق، بارلىق پسيحوتەراپيەۆت پەن ءدىن قىزمەتكەرى ادامداردى بىر-بىرىنە كەشىرىممەن قاراپ، بەيبىت جولمەن شەشىم قابىلداۋعا شاقىرادى. مەنىڭشە، ەرلى-زايىپتى اشۋ مەن ىزادان ءوتىپ، وسىنداي شەشىمگە كەلدى. مەنىڭشە، مۇنداي شەشىم قابىلداۋ بايان حانىمعا وڭاي سوقپادى، – دەدى اننا قۇدياروۆا.
سونداي-اق، پسيحولوگ پروديۋسەردىڭ ايەلدەردىڭ قۇقىعىن قورعاۋ تۋرالى رايىنان قايتۋى مۇمكىن ەكەنىن ايتىپ ءوتتى.
– مەنىڭ ويىمشا، ونىڭ كۇيەۋى الاتىن جازاسىن الدى. وعان دا كوپتەگەن جاعىمسىز پىكىرلەر مەن قارعىستار ايتىلدى. سىزدەر ۇمىتپاڭىزدار، بايان حانىمنىڭ شەشىمىندە انانىڭ بالاعا دەگەن ماحابباتى دا بار. ول قىزدارىنىڭ اكەسىن كەشىردى. بالالارىنىڭ اكەسىن تۇرمەگە قاماپ تاستاۋ دەگەن ءسوز بالاسىنا دەگەن ماحابباتى جوق ەكەنىن بىلدىرەدى. قانداي انا ونداي ارەكەتكە بارادى؟، – دەپ ءتۇسىندىردى پسيحولوگ.
ال باسقا پسيحولوگتىڭ ايتۋىنشا، بايان ماقسات قىزىنىڭ كۇيەۋىن كەشىرۋى قازاقستاندىق ايەلدەردىڭ كوڭىلىن قالدىردى.
– كەيبىر ايەلدەرگە باياننىڭ شەشىمى ۇلگى بولدى. ول ءوزىنىڭ باسىنان وتكەن وقيعا ارقىلى مۇنداي جاعدايمەن كۇرەسىپ، ۇندەمەي وتىرا بەرۋگە بولمايتىنىن كورسەتتى. ءبىراق ول ءقازىر سوتتا كۇيەۋىن كەشىردى. ءبىر جاعىنان بۇل زورلىق-زومبىلىقتىڭ جالعاسا بەرەتىنىن كورسەتەتىن سياقتى. سوتقا دەيىن كۇيەۋىمەن كۇرەسكەن ايەل حالىققا ادىلدىكتىڭ بار ەكەنىن كورسەتە الدى. ءبىراق سوڭىندا باياننىڭ ءوز سوزدەرىنەن اينىپ، وسىنداي شەشىم قابىلداعانى كوپتىڭ كوڭىلىن قالدىردى، – دەدى داعدارىس ورتالىعىنىڭ مامانى.
سونىمەن قاتار، ادۆوكات دجوحار وتەبەكوۆ تە پروديۋسەر بايان ماقسات قىزىنىڭ كۇيەۋىن كەشىرۋ تۋرالى شەشىمىنىڭ سوتقا قالاي اسەر ەتەتىنى جايلى پىكىر ايتتى.
سونىمەن قاتار، ادۆوكاتتىڭ ايتۋىنشا، باياننىڭ كۇيەۋىنە ايتاتىن ەشقانداي دا شاعىمى جوق، بالالارى دا اكەسىن تولىقتاي كەشىرگەن. «بايان ماقسات قىزى قاتتى ۋايىمدادى. كۇيەۋىن دە قىزدارى ءۇشىن كەشىردى، سوتتان ونى باس بوستاندىعىنان ايىرماۋدى سۇرادى»، – دەدى ول. ايتا كەتەيىك، سوت وتىرىسىندا پروديۋسەرمەن گرۋزيادا بىرگە بولعان "لاشىن" توبىنىڭ مۇشەلەرىنەن دە جاۋاپ الىندى.
ەسكە سالا كەتەيىك، بايان ماقسات قىزى 10 ماۋسىمدا اۋىر جاعدايدا تالعارداعى اۋرۋحاناعا تۇسكەن بولاتىن. تەرگەۋدىڭ مالىمەتىنشە، ونى كۇيەۋى باقىتبەك ەسەنتايەۆ اياۋسىز ۇرىپ سوعىپ، بىرنەشە رەت پىشاقتاعان. بۇل وقيعا ەڭبەكشى اۋىلىنىڭ ماڭىندا قۇلجا تاس جولىندا بولعان.
