پروديۋسەر Instagram جەلٸسٸندەگٸ جازباسىندا جامان ۇلت جوق ەكەنٸن جازعان.
– كٶبٸمٸز ٷشٸن ەڭ ىڭعايلى پوزيتسييا – جەي عانا ٷندەمەۋ, ول الىستا, بٸزگە قاتىسى بار, بٸراق بٸز وندا ەمەسپٸز... بٸز سوندا بولدىق, بولا بەرەمٸز دە. بٸزدٸڭ زامانىمىز – قاتىگەزدٸك, جەك كٶرۋشٸلٸك, شىدامسىزدىق, بۇل تٸپتٸ باسقا ۇلتتارعا ەمەس, بٸر-بٸرٸنە دەگەن سەزٸم. 11 ادام قازا تاپتى, ولار جول اپاتىنان قازا بولعان جوق, بەسٸنشٸ قاباتتان قۇلاپ كەتكەن جوق, ولاردى قاتىگەزدٸكپەن ٶلتٸرٸپ, ٷيلەرٸن ٶرتەپ جٸبەردٸ. قازٸر ۇلتارالىق قاقتىعىستى كٸم باستاعانىن انىقتاي المايسىڭ, جىلدار بويى بٸزدٸڭ ەل بەرٸ ٷشٸن جۇماق, ەڭ تولەرانتتى مەملەكەت ەكەنٸمٸزدٸ ايتىپ كەلەدٸ. بۇل ساندىراق, بٸز كٶپ جاعدايدا جەككٶرەمٸز, شىدامايمىز جەنە ەر ىڭعايلى جاعدايدا كٸمنٸڭ قوجايىن ەكەنٸن ايتىپ قالۋعا تىرىسامىز. ۇلى اباي قالاي دۇرىس ايتقان, سودان بەرٸ ەشتەڭە ٶزگەرمەدٸ عوي?! – دەيدٸ ول.
سونىمەن قاتار, ول قوعامدا ادامي قۇندىلىقتار ۇمىتىلعانىن ايتتى.
– ٷندٸستەر, قىتايلار, دٷنگەندەر, ارمياندار, تٷرٸكتەر, كەلەسٸ كٸم? بٸز قاراپايىم ادامي قۇندىلىقتار, مەيٸرٸمدٸلٸك, ار-نامىس, قادٸر-قاسيەت دەگەندٸ باياعىدا ۇمىتقانبىز. كەۋدەمٸزدٸ ۇرىپ, پاتريوتپىز دەيمٸز. پاتريوت – ٶزگەلەردٸ جەككٶرەتٸندەر ەمەس, ٶز ۇلتىن سٷيەتٸندەر. بٷگٸندە جالعان پاتريوت ٶتە كٶپ, ولار ٶز اۋماعىنا كەلگەندەردٸڭ بەرٸن وتان ٷشٸن دەپ ٶلتٸرۋگە دايىن. بۇل قورقىنىشتى. بۇل پوستپەن جامان ۇلت جوق ەكەنٸن, ۇلتقا قاتىسى جوق, قۇدايسىز ادامدار بار ەكەنٸن ايتقىم كەلەدٸ, – دەدٸ بايان ماقساتقىزى.
